News February 26, 2026
ఒక్కటైన సూర్యాపేట అబ్బాయి.. జపాన్ అమ్మాయి
ఖండాంతరాలు దాటిన ప్రేమ పెళ్లి పీటలెక్కింది. మేళ్లచెరువుకు చెందిన వరగాని రాజేశ్ సాఫ్ట్వేర్ ఉద్యోగ రీత్యా జపాన్ వెళ్లి, అక్కడ టోక్యోకు చెందిన వకానాతో ప్రేమలో పడ్డాడు. ఇరు కుటుంబాల పెద్దల అంగీకారంతో బుధవారం ఖమ్మంలో వీరు హిందూ సంప్రదాయ పద్ధతిలో ఘనంగా వివాహం చేసుకున్నారు. విదేశీ వధువు మన సంస్కృతిలో మెరిసిపోవడం ప్రత్యేక ఆకర్షణగా నిలిచింది. ఈ వేడుకను చూసేందుకు స్థానికులు ఎంతో ఆసక్తి చూపారు.
Similar News
News March 1, 2026
నల్గొండ: రైతు భరోసా కోసం ఎదురుచూపులు
జిల్లాలో యాసంగి సాగు పనులు చివరి దశకు చేరుకున్నా, పెట్టుబడి సాయం అందక 10.82 లక్షల మంది అన్నదాతలు ఆర్థిక ఇబ్బందుల్లో కూరుకుపోయారు. ఏటా నవంబర్లోనే విడుదల కావాల్సిన ‘రైతు భరోసా’ నిధులు ఇప్పటికీ ఖాతాల్లో జమ కాకపోవడంతో వరి, మిర్చి సాగుదారులు అప్పుల కోసం ఎదురుచూస్తున్నారు. సాగు కాలం ముగుస్తున్నా ప్రభుత్వం నుంచి స్పష్టత లేకపోవడంతో రైతాంగం తీవ్ర ఆందోళన వ్యక్తం చేస్తోంది.
News March 1, 2026
నార్త్ ఈస్ట్రర్న్ స్పేస్ అప్లికేషన్ సెంటర్లో ఉద్యోగాలు
నార్త్ ఈస్ట్రర్న్ స్పేస్ అప్లికేషన్ సెంటర్లో 11పోస్టుల భర్తీకి మార్చి 5, 6తేదీల్లో ఇంటర్వ్యూ నిర్వహించనున్నారు. పోస్టును బట్టి సంబంధిత విభాగంలో MSc/MTech రిమోట్ సెన్సింగ్& GIS, జియోఇన్ఫర్మాటిక్స్, ఎర్త్ సైన్స్, MS, BE/BTech, NET/ GATE అర్హతతో పాటు పని అనుభవం ఉండాలి. రీసెర్చ్ సైంటిస్ట్కు నెలకు రూ.56,100, JRFకు రూ. 37,000 చెల్లిస్తారు. వెబ్సైట్: https://nesac.gov.in
News March 1, 2026
అన్నీ ‘వన్ సైడ్’ ఎన్నికలే: మంత్రి పొంగులేటి
ఖమ్మం: అసెంబ్లీ నుంచి మున్సిపల్ వరకు ఏ ఎన్నిక జరిగినా ఫలితం ‘వన్ సైడ్’గానే ఉంటుందని మంత్రి పొంగులేటి శ్రీనివాస్ రెడ్డి ధీమా వ్యక్తం చేశారు. ఓటమిని జీర్ణించుకోలేని గత పాలకులు ఒంటినిండా విషం నింపుకుని విమర్శలు చేస్తున్నారని మండిపడ్డారు. ఎన్ని కుట్రలు పన్నినా దైవకృప, ప్రజల మద్దతు తమకే ఉన్నాయని స్పష్టం చేశారు. ఏప్రిల్ నుంచి రెండో విడత ఇందిరమ్మ ఇళ్ల పథకాన్ని ప్రారంభిస్తామని పేర్కొన్నారు.