News October 30, 2024
కడప: కూతురిపై మద్యం మత్తులో తండ్రి లైంగిక దాడి
కంటికి రెప్పలా కాపాడాల్సిన తండ్రి కసాయిలా మారి కూతురిపై లైంగిక దాడికి పాల్పడిన ఘటన కడప జిల్లాలో చోటుచేసుకుంది. వివరాల్లోకి వెళితే.. పెద్దముడియం మండల పరిధిలోని నెమళ్లదిన్నెకి చెందిన మతిస్తిమితం లేని కూతురిపై మద్యం మత్తులో తండ్రి అత్యాచారం చేసినట్లు సమాచారం. అయితే బాలిక 2 రోజులుగా నీరసంగా ఉండటంతో తల్లి కూతురిని ప్రశ్నించింది. దీంతో బాలిక తల్లి భర్తపై పోలీసు స్టేషన్లో కేసు పెట్టింది.
Similar News
News October 30, 2024
కడప: రైలు కిందపడి వ్యక్తి ఆత్మహత్య
కడప-కృష్ణాపురం రైలు మార్గంలోని ఎగువ రైలు పట్టాలపై షేక్ అన్వర్ బాషా (62) ఆత్మహత్య చేసుకున్నట్లు కడప రైల్వే హెడ్ కానిస్టేబుల్ గోపాల్ తెలిపారు. రామాపురం మండలం హసనాపురం గ్రామానికి చెందిన అన్వర్ బాషా అప్పుల బాధతో మంగళవారం మధ్యాహ్నం ముంబయి-చెన్నై రైలు కిందపడి ఆత్మహత్య చేసుకున్నాడన్నారు. మృతదేహాన్ని రిమ్స్ మార్చురీకి తరలించి కేసు నమోదు చేసి దర్యాప్తు చేస్తున్నామని హెడ్ కానిస్టేబుల్ వివరించారు.
News October 29, 2024
సిద్ధవటం పెన్నా నదిలో యువతి గల్లంతు
సిద్ధవటం పెన్నా నదిలో ఎగువ పేట దళిత వాడకు చెందిన సునీత (19) గల్లంతైనట్లు ఎస్ఐ చిరంజీవి తెలిపారు. మంగళవారం నదిలోకి దిగిన యువతి ప్రవాహ వేగంలో కొట్టుకుపోయిందన్నారు. దీంతో పోలీసులు పెన్నా నదిలో గాలింపు చర్యలు చేపట్టారు. తమ బిడ్డను ఎలాగైనా కాపాడాలని యువతి కుటుంబీకులు కన్నీరుమున్నీరయ్యారు.
News October 29, 2024
పెద్దముడియం: కూతురిపై తండ్రి లైంగిక దాడి
కంటికి రెప్పలా కాపాడాల్సిన తండ్రి కసాయిలా మారి కన్న కూతురిపై లైంగిక దాడికి పాల్పడిన ఘటన మంగళవారం పెద్దముడియంలో జరిగింది. నెమళ్లదిన్నె గ్రామానికి చెందిన మతిస్తిమితం లేని ఓ బాలికపై మద్యానికి బానిసైన తండ్రి అత్యాచారయత్నం చేశాడు. బాలిక కేకలు వేయడంతో గమనించిన స్థానికులు నిందితుడికి దేహశుద్ధి చేసి పోలీసులకు అప్పగించారు. ఈ మేరకు ఎస్ఐ సుబ్బారావు కేసు నమోదు చేసి దర్యాప్తు చేపట్టారు.