News December 24, 2025
కన్నప్రేమ నేర్పిన నాయకత్వం: సత్య నాదెళ్ల విజయ రహస్యం
మైక్రోసాఫ్ట్ CEO సత్య నాదెళ్ల నాయకత్వ శైలి మారడానికి ఆయన పిల్లలే ప్రధాన కారణం. పుట్టుకతోనే ప్రత్యేక అవసరాలున్న తన పిల్లలను చూశాక లోకాన్ని చూసే కోణం మారిందన్నారు ఆయన ఓ సందర్భంలో. ఎదుటివారి కష్టాన్ని అర్థం చేసుకునే గుణం నాయకుడికి ఉండాలని గ్రహించారు. ముఖ్యంగా అంగవైకల్యం ఉన్నవారికి సాంకేతికత అందాలనే లక్ష్యంతో పనిచేశారు. తన పిల్లల వల్ల కలిగిన ఈ అనుభవాలే ఆయన్ను గొప్ప నాయకుడిగా తీర్చిదిద్దాయి.
Similar News
News December 26, 2025
రైతు భరోసా పథకం రద్దు.. క్లారిటీ
TGలో రైతు భరోసా పథకాన్ని నిలిపివేస్తున్నారంటూ జరుగుతున్న ప్రచారాన్ని ప్రభుత్వానికి చెందిన ‘తెలంగాణ ఫ్యాక్ట్ చెక్’ ఖండించింది. అలాంటి వార్తలు పూర్తిగా అవాస్తవమని, నిరాధారమైనవని తేల్చిచెప్పింది. ప్రస్తుతం లబ్ధిదారులకు మాత్రమే సాయం అందేలా గ్రౌండ్ వెరిఫికేషన్ జరుగుతోందన్నారు. రాష్ట్రవ్యాప్తంగా 65లక్షల మందికి పైగా ఈ పథకం ద్వారా లబ్ధి పొందుతున్నారని, సర్కార్ ఎలాంటి షరతులు విధించలేదని స్పష్టం చేసింది.
News December 26, 2025
ఇతిహాసాలు క్విజ్ – 108 సమాధానం
ఈరోజు ప్రశ్న: హనుమంతుడికి ‘బజరంగబలి’ అనే పేరు ఎలా వచ్చింది?
సమాధానం: ‘బజరంగ్’ అంటే వజ్రంలా దృఢమైన శరీరం గలవాడని, ‘బలి’ అంటే బలశాలి అని అర్థం. ఇంద్రుడి వజ్రాయుధం వల్ల హనుమంతుని దవడ విరిగి, ఆయన శరీరం వజ్రంలా కఠినంగా మారింది. అందుకే భక్తులు ఆయన్ని బజరంగబలి అని పిలుస్తారు. ఆయన శారీరక శక్తితో పాటు అచంచలమైన బుద్ధిబలానికి, రామభక్తికి ఈ పేరు నిదర్శనంగా నిలుస్తుంది. <<-se>>#Ithihasaluquiz<<>>
News December 26, 2025
గ్రేట్ CEO.. ఉద్యోగులకు రూ.2,155 కోట్ల బోనస్
540 మంది ఉద్యోగులకు రూ.2,155 కోట్లు బోనస్ ఇచ్చి మంచి మనసు చాటుకున్నారు USలోని లూసియానాకు చెందిన ఫైబర్బాండ్ కంపెనీ CEO గ్రాహమ్ వాకర్. ఎలక్ట్రికల్ ఎక్విప్మెంట్లకు ఎన్క్లోజర్లు తయారు చేసే తన కంపెనీని ఏడాది ప్రారంభంలో ఈటన్ కార్పొరేషన్కు రూ.15,265 కోట్లకు అమ్మేశారు. కష్టకాలంలో అండగా ఉన్న ఉద్యోగులకు 15% బోనస్గా ఇవ్వాలని నిర్ణయించుకున్నారు. దీనికి కొత్త యాజమాన్యం అంగీకరించిన తర్వాతే కంపెనీ అమ్మారు.