News October 4, 2024
‘కరవు మండలాల సమగ్ర నివేదికను సమర్పించండి’
శ్రీ సత్యసాయి జిల్లాలో మండలాల వారిగా లోటు వర్షపాతం నమోదైన కారణంగా పూర్తిగా పంటలు వేసుకోలేకపోయిన మండలాల నుంచి ప్రతిపాదనలు సమర్పించాలని రాష్ట్ర ప్రత్యేక ప్రధాన కార్యదర్శి జిల్లా అధికారులను ఆదేశించారు. శుక్రవారం రాత్రి వీడియో కాన్ఫరెన్స్ ద్వారా శ్రీ సత్యసాయి జిల్లా కలెక్టర్ టీఎస్ చేతన్, జాయింట్ కలెక్టర్ అభిషేక్ కుమార్, వ్యవసాయ అధికారి సుబ్బారావుతో ప్రభుత్వ ప్రధాన కార్యదర్శి సమీక్ష చేశారు.
Similar News
News October 4, 2024
శ్రీ సత్యసాయి జిల్లాలో సినీ దర్శకుడి పర్యటన
మడకశిర నియోజకవర్గంలోని ప్రసిద్ధి చెందిన ముఖ్య దేవాలయాలను సినీ దర్శకుడు ధనరాజ్ శుక్రవారం సందర్శించారు. హేమావతిలోని ఎంజీఆర్ సిద్దేశ్వరస్వామి టెంపుల్, రోళ్ళలోని లక్ష్మీనరసింహస్వామి దేవాలయం, రత్నగిరి కొల్లాపూర్ మహాలక్ష్మి ఆలయం, చెందకచర్ల ఆంజనేయస్వామి టెంపుల్, మడకశిరలోని పూజమ్మ, శివాలయం, తదితర ఆలయాలను సందర్శించి ధూప, దీప నైవేద్యాలను కానుకగా సమర్పించారు. ప్రజలందరూ సంతోషంగా జీవించాలని కోరారు.
News October 4, 2024
రాజకీయాలంటే ప్రజలలో ఒక చులకన భావన: కేతిరెడ్డి
రాజకీయాలు అంటే ఇప్పటికే ప్రజల్లో ఒక చులకన భావంతో చూస్తున్నారని ధర్మవరం మాజీ ఎమ్మెల్యే కేతిరెడ్డి వెంకటరామిరెడ్డి పేర్కొన్నారు. తెలంగాణ మంత్రి కొండా సురేఖ చేసిన వ్యాఖ్యలపై స్పందించారు. ఒక ఉన్నత పదవిలో ఉన్నప్పుడు హుందాగా ప్రవర్తించాలి కానీ అనుచిత వ్యాఖ్యలు చేయడం సరికాదన్నారు. రాజకీయాల కోసం ఒక వ్యక్తి యొక్క కుటుంబ విషయాలను, వ్యక్తిగత విచారణ వాడుకోవడం ఒక నీచమైన చర్య అంటూ Xలో పోస్ట్ చేశారు.
News October 4, 2024
పెనుకొండలో ఆర్టీసీ రిటైర్డ్ ఉద్యోగి ఆత్మహత్య
శ్రీ సత్యసాయి జిల్లా పెనుకొండలోని మార్కెట్ యార్డు వద్ద ఉరివేసుకుని రిటైర్డ్ ఆర్టీసీ ఉద్యోగి రఫీక్(67) శుక్రవారం ఆత్మహత్య చేసుకున్నాడు. గోరంట్ల మండలంలో ఓ భూ వివాదామే తమ తండ్రి మృతికి కారణమని మృతుడి కుమారులు రియాఫత్, హిదయాత్ పోలీసులకు ఫిర్యాదు చేశారు. కేసు నమోదు చేసుకుని దర్యాప్తు చేస్తున్నట్లు పెనుకొండ పోలీసులు తెలిపారు.