News January 25, 2025
కరీంనగర్: బీఆర్ఎస్‌ను వీడొద్దు.. మేయర్‌కు కేటీఆర్ ఫోన్
బీఆర్ఎస్‌కి రాజీనామా చేస్తున్నట్లు ప్రకటించిన కరీంనగర్ మేయర్ సునీల్ రావుకు బుజ్జగింపుల పర్వం మొదలైంది. సునీల్ రావుకు బీఆర్ఎస్ వర్కింగ్ ప్రెసిడెంట్, మాజీ మంత్రి కేటీఆర్ ఫోన్ చేశారని సమాచారం. పార్టీని వీడవద్దని సునీల్ రావుకు కేటీఆర్ సూచించారు. భవిష్యత్తులో మళ్లీ బీఆర్ఎస్ అధికారంలోకి వస్తుందని తెలిపారు. బీజేపీలో చేరబోతున్నట్లు ఇప్పటికే సునీల్ రావు ప్రకటించారు.
Similar News
News September 15, 2025
మెదక్: ఓపెన్ టెన్త్, ఇంటర్మీడియట్ పరీక్షల నిర్వహణకు ఏర్పాట్లు: కలెక్టర్
జిల్లాలో ఓపెన్ టెన్త్, ఇంటర్మీడియట్ పరీక్షలు పక్కాగా నిర్వహించనున్నట్లు కలెక్టర్ రాహుల్ రాజ్ తెలిపారు. సోమవారం కలెక్టరేట్‌లో జిల్లా విద్యాశాఖ అధికారి రాధా కిషన్ ఆధ్వర్యంలో ఓపెన్ టెన్త్ ఇంటర్మీడియట్ పరీక్షలు నిర్వహణపై కలెక్టర్ సమీక్షించారు. మెదక్ బాలికల హై స్కూల్లో పరీక్షా కేంద్రం ఏర్పాటు చేశామని తెలిపారు. ఈనెల 22 నుంచి 28 వరకు ఈ పరీక్షలు 6 రోజులపాటు నిర్వహించడం జరుగుతుందని వివరించారు.
News September 15, 2025
మైలవరంలో విద్యార్థుల మధ్య ఘర్షణ
మైలవరంలో సోమవారం కాలేజీ విద్యార్థుల మధ్య ఘర్షణ చెలరేగింది. ఆటలాడుతుండగా ఇద్దరు విద్యార్థుల మధ్య మొదలైన గొడవ, సీనియర్లు, జూనియర్ల మధ్య ఘర్షణకు దారితీసిందని స్థానికులు తెలిపారు. చిన్నగూడెం వద్ద రెండు వర్గాలుగా విడిపోయి కొట్టుకున్నారు. సీఐ చంద్రశేఖర్ ఘటనా స్థలానికి చేరుకోగా.. విద్యార్థులు పారిపోయారు. ఘర్షణ జరిగిన చోట ఉన్న 16 బైక్స్‌ను స్టేషన్‌కు తరలించారు. మరిన్ని వివరాలు తెలియాల్సి ఉంది.
News September 15, 2025
కూకట్‌పల్లిలో రేణు అగర్వాల్ హత్య.. జైలుకు నిందితులు
కూకట్‌పల్లి పోలీస్ స్టేషన్ పరిధిలోని స్వాన్‌లేక్ అపార్ట్‌మెంట్‌లో జరిగిన రేణు అగర్వాల్ హత్యకేసులో కీలక పరిణామం జరిగింది. రాంచీ నుంచి నిందితులు హర్ష, రోషన్, రాజ్ వర్మను పోలీసులు కూకట్‌పల్లికి తీసుకొచ్చారు. ట్రాన్సిట్ వారెంట్‌పై స్థానిక కోర్టులో హాజరుపరిచారు. కోర్టు ముగ్గురు నిందితులకు రిమాండ్ విధించింది. కంది జైలుకు తరలించినట్లు సమాచారం.