News May 23, 2024

కరీంనగర్: సన్నాల వైపు రైతుల చూపు!

సన్న వడ్లకు క్వింటాకు రూ.500 చొప్పున బోనస్‌‌ను వచ్చే వానాకాలం సీజన్‌ నుంచే అమలు చేయాలని రాష్ట్ర ప్రభుత్వం తీసుకున్న నిర్ణయంతో ఉమ్మడి కరీంనగర్ జిల్లాలో సన్న రకం వరి సాగు పెరగనుంది. సాధారణ వరి సాగు విస్తీర్ణం కన్నా అదనంగా 15 నుంచి 20 శాతం పెరగవచ్చని వ్యవసాయ శాఖ అధికారులు అంచనా వేస్తున్నారు. ఎక్కువ నీరు, సానుకూల వాతావరణం దృష్ట్యా ఖరీఫ్‌లో రైతులు సన్న రకం వరి సాగు వైపు మక్కువ చూపుతారు.