News April 3, 2025
కాకాణి నువ్వెక్కడ..?: అజీజ్
మాజీ మంత్రి కాకాణి ఎక్కడ ఉన్నారు..? పోలీసులకు చిక్కకుండా ఎన్ని రోజులని దాక్కుంటారని రాష్ట్ర వక్ఫ్ బోర్డు ఛైర్మన్ అజీజ్ ప్రశ్నించారు. తప్పులు చేయడం, పరారవడం మీకు(వైసీపీ) అలవాటే కదా అన్నారు. కాకాణి గోవర్ధన్ రెడ్డి చెప్పే మాటలు, చేసే పనులకు ఎప్పుడూ పొంతన ఉండదని విమర్శించారు. పొదలకూరు మండలం తాటిపర్తి పంచాయతీ వరదాపురం రుస్తుం మైన్ వేదికగా కాకాణి గతంలో చేసిన పాపాలే ఇప్పుడు శాపాలై వెంటాడుతున్నాయన్నారు.
Similar News
News April 4, 2025
విద్యుత్ సమస్యలపై నెల్లూరు కలెక్టరుకు ఫిర్యాదు
దుత్తలూరు మండలం నందిపాడు, వెంకటంపేట గ్రామాల్లో గురువారం కలెక్టర్ ఓ.ఆనంద్ ఎదుట ప్రజలు విద్యుత్ సమస్యలపై ఏకరువు పెట్టారు. లోవోల్టేజీ సమస్య తీవ్రంగా ఉందని, శిథిల స్తంభాలు గాలులకు నేలకొరిగి ఎప్పుడు ఏలాంటి ప్రమాదం సంభవిస్తుందోనని వారు ఆవేదన వ్యక్తం చేశారు. సంబంధిత అధికారులకు చెప్పినా పట్టించుకోవడం లేదని వాపోయారు. సమస్యను త్వరలోనే పరిష్కరిస్తామని కలెక్టర్ స్పష్టం చేశారు.
News April 3, 2025
సీడ్స్ సంస్థను సందర్శించిన జిల్లా కలెక్టర్
దుత్తలూరులోని సీడ్స్ ఉపాధి శిక్షణ సంస్థను కలెక్టర్ ఓ.ఆనంద్ గురువారం సందర్శించారు. ఈ సందర్భంగా సంస్థలో జరుగుతున్న కార్యక్రమాలు, అందిస్తున్న సేవలపై సిబ్బందిని అడిగి తెలుసుకున్నారు. కుట్టు శిక్షణ, నైపుణ్య శిక్షణ, వ్యవసాయం, కంటి పరీక్షలు తదితర వాటి గురించి అడిగి తెలుసుకున్నారు. గ్రామీణ ప్రాంతంలో ప్రజలకు ఈ సంస్థ సేవలందిస్తుందని సంతృప్తి వ్యక్తం చేశారు. ఆయన వెంట పలు శాఖల అధికారులు పాల్గొన్నారు.
News April 3, 2025
ఇఫ్కో సెజ్‌ అభివృద్ధిపై ఎంపీ వేమిరెడ్డి భేటీ
నెల్లూరూ ఎంపీ వేమిరెడ్డి ప్రభాకర్ రెడ్డి గురువారం ఇఫ్కో సీఈవో ఉదయ్‌ శంకర్‌ అవస్థిని ఢిల్లీలోని ఆయన కార్యాలయంలో మర్యాదపూర్వకంగా కలిశారు. అనంతరం ఆయనతో వివిధ అంశాలపై కూలంకుశంగా చర్చించారు. కొడవలూరు మండల పరిధిలో ఉన్న ఇఫ్కో కిసాన్‌ సెజ్‌లో పరిశ్రమలు స్థాపించాలని విజ్ఞప్తి చేశారు. అక్కడ పరిశ్రమలు వస్తే జిల్లా యువతకు ఉద్యోగ అవకాశాలు అందుబాటులో ఉంటాయని MP వివరించారు.