News February 24, 2025
కామారెడ్డికి డీకే అరుణ రాక
పట్టభద్రులు, ఉపాధ్యాయ ఎమ్మెల్సీ ఎన్నికల ప్రచారంలో భాగంగా మహబూబనగర్ ఎంపీ, బీజేపీ జాతీయ ఉపాధ్యక్షురాలు డీకే అరుణ సోమవారం కామారెడ్డికి రానున్నారు. ఉ.11 గంటలకు బీజేపీ జిల్లా కార్యాలయంలో మీడియా సమావేశంలో మాట్లాడనున్నారు. మధ్యాహ్నం 12 గంటలకు కామారెడ్డి బార్ అసోసియేషన్ సభ్యుల సమావేశం ఉంటుందని పార్టీ నాయకులు తెలిపారు. 12:30 గంటలకు జిల్లా గ్రంథాలయంలో పట్టభద్రులతో సమావేశంలో పాల్గొంటారని పేర్కొన్నారు.
Similar News
News September 19, 2025
మోదీతో మంచి స్నేహం ఉంది: ట్రంప్
భారత్, PM మోదీతో తనకు సత్సంబంధాలు ఉన్నాయని US అధ్యక్షుడు ట్రంప్ తెలిపారు. మోదీతో మంచి స్నేహం ఉందని, ఆ కారణంగానే ఆయనకు నిన్న బర్త్ డే విషెస్ తెలిపానన్నారు. బ్రిటన్ ప్రధాని కీర్ స్టార్మర్‌తో ద్వైపాక్షిక భేటీ అనంతరం ఆయన మాట్లాడారు. చమురు కొనుగోళ్లు ఆపేస్తేనే రష్యా దిగి వస్తుందని చెప్పారు. చైనా ఇప్పటికే అమెరికాకు భారీ టారిఫ్‌లు చెల్లిస్తోందని, మరిన్ని విధించేందుకు సిద్ధంగా ఉన్నట్లు తెలిపారు.
News September 19, 2025
RG-3: యాజమాన్యం మొండి వైఖరి వల్లే సమావేశం బహిష్కరణ
సింగరేణి యాజమాన్యం మొండి వైఖరి వల్లే స్ట్రక్చరల్ సమావేశాన్ని ఏఐటియుసి బహిష్కరించారని జనరల్ సెక్రటరీ కె.రాజ్ కుమార్ అన్నారు. గురువారం RG-3 ఏరియా OCP-2లో నిర్వహించిన గేట్ మీటింగ్‌లో పాల్గొని మాట్లాడారు. సమావేశాల్లో అంగీకరించిన డిమాండ్లపై యాజమాన్యం సర్క్యులర్ విడుదల చేయాలని, కార్మికులకు 35శాతం లాభాల వాటా ప్రకటించాలని డిమాండ్ చేశారు. వైవీ రావు,MRC రెడ్డి తదితరులు పాల్గొన్నారు.
News September 19, 2025
YSR మరణంతోనే రాష్ట్ర విభజన: రాజగోపాల్‌రెడ్డి
YSR మరణంతోనే రాష్ట్ర విభజన జరిగిందని రాజగోపాల్‌రెడ్డి అన్నారు. గుంటూరు పర్యటనలో ఆయన మీడియాతో మాట్లాడారు. ‘నా వెనుక ఇంటెలిజెన్స్ ఉందని, నేను పార్టీ మారుతున్నానని, మాజీ CM జగన్‌ను కలుస్తున్నానని కొందరు ప్రచారం చేశారు. నేను రాజకీయ నాయకుడిగా కాకుండా, సోదరుడిగా APకి వచ్చాను. నేను YSR అభిమానినని, ఒక మనిషి మరణిస్తే వేలాది మంది ప్రాణాలు కోల్పోవడం మామూలు విషయం కాదు’ అంటూ కోమటిరెడ్డి వ్యాఖ్యానించారు.