News September 21, 2025
కామారెడ్డిలో ఈ నెల 23న జాబ్ మేళా
కామారెడ్డి జిల్లాలోని నిరుద్యోగ యువత కోసం ప్రైవేటు రంగంలో ఉద్యోగ అవకాశాలు కల్పించేందుకు ఈనెల 23వ తేదీన జాబ్ మేళా నిర్వహిస్తున్నట్లు జిల్లా ఉపాధి కల్పన అధికారి రజిని కిరణ్ తెలిపారు. జాబ్ మేళాకు హాజరయ్యే నిరుద్యోగులు కలెక్టరేట్‌లోని ఉపాధి కల్పన కార్యాలయానికి విద్య అర్హత సర్టిఫికెట్లతో పాటు, ఆధార్, పాస్ పోర్ట్ సైజ్ ఫోటోలను తీసుకురావాలన్నారు.
Similar News
News September 21, 2025
ఎంగిలి పూల బతుకమ్మ.. ఏ నైవేద్యం పెట్టాలంటే?
బతుకమ్మ పండుగ మొదటి రోజును ‘ఎంగిలి పూల బతుకమ్మ’ అని పిలుస్తారు. ఈ రోజున నైవేద్యంగా నువ్వులు, బియ్యం పిండి, నూకలు కలిపి ప్రత్యేకమైన ప్రసాదం తయారు చేస్తారు. ఈ ప్రసాదాన్ని గౌరీ దేవికి సమర్పిస్తారు. ఇది పితృపక్షం మహాలయ అమావాస్య రోజున వస్తుంది. కాబట్టి పూర్వీకులకు తర్పణాలు వదిలి, ఆ తర్వాత ఈ పూజ చేస్తారు. బతుకమ్మ ఆటపాటలు పూర్తయ్యాక, ఈ ప్రసాదాన్ని అందరూ పంచుకుంటారు.
News September 21, 2025
నేడు పాక్‌తో టీమ్ఇండియా సూపర్-4 పోరు
ఆసియాకప్ 2025లో టీమ్ ఇండియా, పాకిస్థాన్ రెండో సారి తలపడనున్నాయి. గ్రూప్ దశలో అజేయంగా సాగిన సూర్య సేన అదే జోరును సూపర్-4లోనూ కంటిన్యూ చేయాలని చూస్తోంది. భారత స్పిన్ విభాగం పటిష్ఠంగా ఉండగా బ్యాటింగ్‌లో సూర్య, సంజూ, అభిషేక్ ఫామ్‌లో ఉండటం కలిసొచ్చే అంశం. అటు పాక్‌ను తక్కువ అంచనా వేయలేం. దుబాయ్ వేదికగా మ్యాచ్ నేడు రా.8 గంటలకు ప్రారంభమవుతుంది. సోనీ స్పోర్ట్స్ ఛానల్, సోనీ లివ్ యాప్‌లో లైవ్ చూడవచ్చు.
News September 21, 2025
‘ఎంగిలి పూల బతుకమ్మ’ అని ఎందుకు అంటారు?
దేవీ నవరాత్రుల సంబురాలు ‘బతుకమ్మ’ రూపంలో ఓరోజు ముందే తెలంగాణలో ప్రారంభమయ్యాయి. అమావాస్య నుంచి అష్టమి దాకా సాగే ఈ ఉత్సవాల్లో తొలిరోజైన నేడు ఎంగిలి పూల బతుకమ్మను పూజిస్తారు. ఈరోజు చాలామంది భోజనం చేసిన తర్వాతే బతుకమ్మను పేరుస్తారు. అలా భోజనం చేయడం వల్ల నోరు ఎంగిలి అవుతుంది కాబట్టి ఆ పేరు వచ్చిందని అంటారు. మరికొందరు పూలను కత్తిరించేందుకు నోరు వాడటంతో పూలు ఎంగిలి అవుతాయని, అందుకే ఇలా అంటారని చెబుతారు.