News November 30, 2025
కామారెడ్డి: అభివృద్ధే.. మా అభ్యర్థుల గెలుపునకు పునాది: షబ్బీర్
మా ప్రభుత్వం చేసిన అభివృద్దే కాంగ్రెస్ బలపరిచిన నలుగురు సర్పంచులు ఏకగ్రీవంగా ఎన్నికవ్వడానికి కారణమని ప్రభుత్వ సలహాదారు షబ్బీర్ అలీ అన్నారు. శనివారం ఆయన స్వగృహంలో ఏర్పాటు చేసిన విలేకరుల సమావేశంలో మాట్లాడారు. ప్రతిపక్ష పార్టీలకు చెందిన అభ్యర్థులే పోటీ చేసేందుకు కరవయ్యారని పేర్కొన్నారు. మాచారెడ్డి మండలంలో 4 GPలో కాంగ్రెస్ బలపరిచిన అభ్యర్థులు ఏకగ్రీవంగా ఎన్నికైనట్లు వెల్లడించారు.
Similar News
News November 30, 2025
అన్నదాతల్లో ‘దిత్వా’ గుబులు
AP: దిత్వా తుఫాను దూసుకొస్తుండటంతో రైతుల్లో కలవరం మొదలైంది. ధాన్యం కల్లాల్లోనే ఉండటం, గోతాలు అందుబాటులో లేకపోవడంతో ఇబ్బందులు పడుతున్నారు. ధాన్యం సేకరణకు 6.70 కోట్ల సంచులు సిద్ధం చేసినట్లు మంత్రి నాదెండ్ల మనోహర్ తెలిపారు. తడిచిన ధాన్యాన్నీ కొనుగోలు చేస్తామని ఇప్పటికే ఉన్నతాధికారుల ప్రకటించారు. మరోవైపు పొలాల్లో కోత దశకు చేరిన పంటలు, రబీలో వేసిన పంటలు నాశనమవుతాయని అన్నదాతలు ఆందోళన చెందుతున్నారు.
News November 30, 2025
ఆళ్లగడ్డ చరిత్ర: కళలకు పుట్టినిల్లు
ఆళ్లగడ్డకు మొదట వాడుకలో ఉన్న పేరు ‘ఆవులగడ్డ’. ఈ ప్రాంతం కళలకు, ప్రపంచ ప్రసిద్ధి చెందిన శిల్పాచార్యులకు పెట్టింది పేరు. ఆళ్లగడ్డలో విశ్వబ్రాహ్మణ కులానికి చెందిన దురుగడ్డ వంశీకులు శిల్పకళలో రాష్ట్రవ్యాప్తంగా పేరుపొందారు. వీరిలో దురుగడ్డ బాలవీరాచారిని 1975లో జరిగిన ప్రపంచ తొలి తెలుగు మహాసభల్లో రాష్ట్ర ప్రభుత్వం సత్కరించింది. అలాగే దురుగడ్డ రామాచారి తెలుగు యూనివర్సిటీలో ప్రొఫెసర్‌గా పనిచేశారు.
News November 30, 2025
రాజమండ్రి: నేటి మాంసం ధరలు ఇలా!
వారాంతం కావడంతో మాంసాహార దుకాణాలు వినియోగదారులతో కళకళలాడుతున్నాయి. రాజమండ్రి మార్కెట్లో కిలో స్కిన్‌లెస్ చికెన్ ధర రూ. 250, స్కిన్‌తో రూ. 230గా ఉంది. లైవ్ కోడి ధర రూ.140 నుంచి రూ.150 వరకు లభిస్తోంది. ఇక, కేజీ మటన్ ధర రూ. 900కు విక్రయిస్తున్నారు. ప్రాంతాలవారీగా ధరలలో స్వల్ప తేడాలున్నాయి. మీ ప్రాంతంలో ధరలు ఎలా ఉన్నాయో కామెంట్ చేయండి.