News October 19, 2025
కామారెడ్డి: స్టార్ క్యాంపెనియర్‌గా షబ్బీర్ అలీ
హైదరాబాద్‌లోని జూబ్లీహిల్స్‌లో జరగనున్న ఉప ఎన్నికల్లో స్టార్ క్యాంపెనీయర్‌గా రాష్ట్ర ప్రభుత్వ సలహాదారుడు షబ్బీర్ అలీని నియమించారు. ఈ మేరకు ఆల్ ఇండియా కాంగ్రెస్ కార్యదర్శి వేణుగోపాల్ ఉత్తర్వులు జారీ చేశారు. అక్కడ జరగనున్న ఎన్నికల ప్రచారంలో ఆయన పాల్గొంటారని పేర్కొన్నారు. కాంగ్రెస్ అభ్యర్థిని భారీ మెజార్టీతో గెలిపించాలని సూచించారు.
Similar News
News October 19, 2025
నేడు రాష్ట్రంలో..
✒ సొసైటీ ఫర్ వైబ్రంట్ విజయవాడ ఆధ్వర్యంలో భవానీపురంలోని పున్నమిఘాట్ వద్ద ఈ సాయంత్రం దీపావళి వేడుకలు.. హాజరుకానున్న CM CBN
✒ ఇంద్రకీలాద్రి: ధన త్రయోదశి సందర్భంగా కనకదుర్గమ్మ దేవస్థానంలో 8AMకు మహాలక్ష్మీయాగం
✒ తిరుమల శ్రీవారి ఆర్జిత సేవా టికెట్ల(సుప్రభాతం, తోమాల, అర్చన, అష్టదళ, పాదపద్మారాధన), అంగ ప్రదక్షిణ టోకెన్ల కోసం ఇవాళ 9AMకు ఆన్‌లైన్‌లో ఎలక్ట్రానిక్ డిప్ ప్రక్రియ ప్రారంభం.. 21వ తేదీ వరకు అవకాశం.
News October 19, 2025
మట్టి ప్రమిదలతోనే ఐశ్వర్యం, ఆరోగ్యం!
దీపావళి రోజున దీపాలు వెలిగించడానికి మట్టి ప్రమిదలను వాడాలని ఆధ్యాత్మిక నిపుణులు సూచిస్తున్నారు. ‘మట్టి ప్రమిద మన శరీరానికి సంకేతం. దీన్ని వాడటం ద్వారా దైవశక్తులను ఆకర్షిస్తాం. ఇవి ఆరోగ్యాన్ని, ఐశ్వర్యాన్ని ఇస్తాయి. ఆవు పేడతో చేసిన ప్రమిదలను వాడటం కూడా చాలా శుభప్రదం. ఇవి ఇంట్లో సానుకూల శక్తిని పెంచుతాయి. ఐశ్వర్య లక్ష్మిని ఆకర్షిస్తాయి. కరెంటు దివ్వెలు కాకుండా సహజ ప్రమిదలు వాడాలి’ అని చెబుతున్నారు.
News October 19, 2025
ఈ నెల 24వరకు ఆస్ట్రేలియాలో లోకేశ్ పర్యటన
AP: మంత్రి నారా లోకేశ్ నేటి నుంచి ఈ నెల 24 వరకు ఆస్ట్రేలియాలో పర్యటించనున్నారు. ఆ దేశ హైకమిషనర్ ఆహ్వానం మేరకు ‘స్పెషల్ విజిట్స్ ప్రోగ్రాం’లో పాల్గొనేందుకు ఆయన బయల్దేరారు. వచ్చే నెల 14, 15న జరిగే సీఐఐ భాగస్వామ్య సదస్సు విజయవంతం చేసేందుకు ఇన్వెస్టర్లు, పారిశ్రామికవేత్తలను ఆయన ఆహ్వానించనున్నారు. ఇవాళ స్థానిక కాలమానం ప్రకారం 11.30amకు చేరుకొని, సాయంత్రం సిడ్నీలో తెలుగు డయాస్పోరాలో పాల్గొంటారు.