News November 19, 2024
కాళోజి కళాక్షేత్రాన్ని ప్రారంభించిన సీఎం
హన్మకొండ బాలసముద్రంలోని కాళోజి కళాక్షేత్రాన్ని ప్రారంభోత్సవ కార్యక్రమానికి సీఎం రేవంత్ రెడ్డి హన్మకొండకు హెలికాప్టర్‌లో చేరుకున్నారు. అనంతరం కాళోజి కళాక్షేత్రాన్ని సీఎం రేవంత్ ప్రారంభించారు. ఈ కార్యక్రమంలో మంత్రులు కొండా సురేఖ, సీతక్క, ఎంపీలు, ఎమ్మెల్యేలు, కలెక్టర్లు, అధికారులు తదితరులు పాల్గొన్నారు.
Similar News
News December 3, 2024
WGL: ప్రతి ఇంటికి వెలుగులు తీసుకువస్తా: మంత్రి కొండా సురేఖ
వరంగల్ తూర్పు నియోజకవర్గంలోని ప్రతి ఇంటికి వెలుగులు తీసుకువస్తామని మంత్రి కొండా సురేఖ ట్వీట్ చేశారు. గత ఏడాది ఇదే రోజున వరంగల్ తూర్పు ప్రజలు తనను ఎమ్మెల్యేగా ఆశీర్వదించారని, నియోజకవర్గ ప్రజలకు నిత్యం అందుబాటులో ఉంటూ నియోజకవర్గ సమగ్ర అభివృద్ధికి కృషి చేస్తానని మంత్రి తెలిపారు. ప్రజల ఆకాంక్షలన్నీ అమలు చేస్తూ ముందుకు సాగుతుంటానని మంత్రి తెలిపారు.
News December 3, 2024
REWIND.. వరంగల్: 10స్థానాల్లో కాంగ్రెస్ అభ్యర్థుల విజయం
నవంబర్ 30వ తేదీ 2023వ జరిగిన ఎన్నికల్లో ఉమ్మడి వరంగల్ జిల్లాలోని 12 స్థానాలకు గాను 10 స్థానాల్లో కాంగ్రెస్ అభ్యర్థులు విజయం సాధించారు. భూపాలపల్లి, పాలకుర్తి, మహబూబాబాద్, డోర్నకల్, నర్సంపేట, పరకాల, వరంగల్ ఈస్ట్, వరంగల్ వెస్ట్, ములుగు, వర్ధన్నపేట నియోజకవర్గాల్లో కాంగ్రెస్ అభ్యర్థులు ఎమ్మెల్యేలుగా గెలిచారు. పార్లమెంటు ఎన్నికల ముందు ఎమ్మెల్యే కడియం శ్రీహరి కాంగ్రెస్ పార్టీలో చేరారు.
News December 3, 2024
వరంగల్: భారీగా పెరిగిన మిర్చి ధరలు
వరంగల్ ఎనుమాముల వ్యవసాయ మార్కెట్లో నిన్నటితో పోలిస్తే ఈరోజు మిర్చి ధరలు భారీగా పెరిగాయి. సోమవారం తేజ మిర్చి క్వింటాకు రూ.15,000 ధర రాగా నేడు రూ.15,300కి పెరిగింది. అలాగే కొత్త తేజా మిర్చికి నిన్నటిలాగే రూ.14,500 ధర వచ్చిందని వ్యాపారులు తెలిపారు. మరోవైపు 341 రకం మిర్చి నిన్న రూ.13,500 పలకగా, నేడు రూ.14,500 అయింది. వండర్ హాట్(WH) మిర్చికి సోమవారం రూ.11,000 ధర రాగా నేడు రూ.14వేలు వచ్చిందన్నారు.