News February 27, 2026
కాసేపట్లో మాజీ మావోలతో సీఎం రేవంత్ భేటీ
TG: ఇటీవల లొంగిపోయిన మాజీ మావోయిస్టు అగ్రనేతలతో సీఎం రేవంత్ కాసేపట్లో భేటీ కానున్నారు. వారిలో దేవ్జీ, మల్లా రాజిరెడ్డి, చంద్రన్న, సుజాతక్క, దామోదర్, నూనె నరసింహారెడ్డి ఉన్నారు. ఈ సమావేశంలో ప్రభుత్వ సలహాదారు కె.కేశవరావుతోపాటు డీజీపీ శివధర్ రెడ్డి, ఐజీ సుమతి కూడా పాల్గొంటున్నారు. ఇప్పటికే వీరంతా హైదరాబాద్లోని సచివాలయానికి చేరుకున్నారు.
Similar News
News February 27, 2026
DINK జంటలకూ డబ్బు సరిపోవట్లేదు!
పిల్లల బాధ్యత, ఖర్చుల నుంచి తప్పించుకునేందుకు చాలా జంటలు డ్యుయల్ ఇన్కమ్, నో కిడ్స్ (DINK) పాలసీని ఫాలో అవుతున్నాయి. కానీ వీరిలో చాలా మందికి సంపాదన సరిపోవడం లేదు. పొదుపుపై దృష్టి పెట్టకుండా ఆదాయాన్ని ఖర్చులు, జల్సాలకు వాడుకోవడం.. ఒకరి ఖర్చులు మరొకరు పట్టించుకోకపోవడం, ఆదాయానికి తగినట్టు ఖర్చులు పంచుకోకపోవడం ఇందుకు ప్రధాన కారణాలు. ఆదాయంతో సంపద పెరుగుతుంది అనుకోవడం పొరపాటని నిపుణులు చెబుతున్నారు.
News February 27, 2026
మార్చి 28న ఐపీఎల్ ప్రారంభం?
ఈ ఏడాది ఐపీఎల్ మార్చి 28న ప్రారంభం కానున్నట్లు తెలుస్తోంది. గత ఏడాది డిసెంబరులో BCCI ఐపీఎల్ 2026 ప్రారంభ తేదీని మార్చి 26గా ప్రకటించింది. అయితే అస్సాం, బెంగాల్, తమిళనాడు ఎన్నికల తేదీలపై ఇంకా క్లారిటీ రాకపోవడంతో ప్రారంభ తేదీని 28కు మార్చినట్లు క్రిక్ఇన్ఫో వెల్లడించింది. ఫైనల్ మే 31న జరగనుందని తెలిపింది. కాగా వచ్చే వారం ఐపీఎల్ గవర్నింగ్ కౌన్సిల్ దీనిపై తుది నిర్ణయం తీసుకోనున్నట్లు సమాచారం.
News February 27, 2026
ఎవరీ నటి.? తెగ సెర్చ్ చేస్తున్నారు..
ప్రభాస్-సందీప్ కాంబోలో వస్తున్న ‘స్పిరిట్’ మూవీ నుంచి ఇవాళ <<19254726>>అప్డేట్<<>> వచ్చిన విషయం తెలిసిందే. తాజా పోస్టర్లో వివేక్ ఒబెరాయ్తో పాటు ఓ నటి ఉన్నారు. గాగుల్స్ ధరించి ఉన్న ఆమె ఎవరా? అని నెటిజన్లు తెగ సెర్చ్ చేస్తున్నారు. ఇంతకీ ఆమె ఎవరంటే ఐశ్వర్య దేశాయ్. ‘గల్లీ బాయ్’ మూవీతో పాటు ర్యాట్ ఇన్ ది కిచెన్ అనే షార్ట్ ఫిల్మ్లో నటించి గుర్తింపు తెచ్చుకున్నారు. స్పిరిట్లో ఈమె కీలకపాత్రలో నటిస్తున్నట్లు సమాచారం.