News February 13, 2026
కీలకం కానున్న MLA, MLC, MPల ఓట్లు
TG: మున్సి‘పోల్స్’ ఫలితాల్లో కాంగ్రెస్, బీఆర్ఎస్, బీజేపీ మధ్య పోటాపోటీగా ఉన్న చోట్ల ఛైర్మన్, మేయర్ ఎంపికలో ఎక్స్అఫీషియో సభ్యులుగా MLA, MLC, MPల ఓట్లు కీలకం కానున్నాయి. రాజ్యసభ సభ్యులు, MLCలు రాష్ట్రంలో ఎక్కడైనా తమ ఓటు వినియోగించుకొనేందుకు ఆప్షన్ ఇచ్చుకోవచ్చు. అదే లోక్సభ సభ్యులు, MLAలు తమ నియోజకవర్గ పరిధిలోని ఏదో ఒక మున్సిపాల్టీలో మాత్రమే ఓటేయాల్సి ఉంటుందని అధికారులు పేర్కొన్నారు.
Similar News
News February 13, 2026
‘వారణాసి’ జానర్పై క్లారిటీ
వారణాసి సినిమా జానర్పై ఆసక్తికరమైన చర్చ జరుగుతున్న నేపథ్యంలో డైరెక్టర్ రాజమౌళి క్లారిటీ ఇచ్చారు. ఈ మూవీ సైన్స్ ఫిక్షన్ కాదని.. మైథలాజికల్ ఫాంటసీ అని ఓ ఇంటర్వ్యూలో వెల్లడించారు. సినిమా రన్టైమ్ 3 గంటలకు కాస్త తక్కువ ఉంటుందని తెలిపారు. ఇప్పటికే సగం షూటింగ్ పూర్తయిందని.. మిగిలిన దాన్ని జూన్ 2026 కల్లా కంప్లీట్ చేస్తామన్నారు. తర్వాత పోస్ట్ ప్రొడక్షన్, VFX వర్క్పై ఫోకస్ పెడతామని పేర్కొన్నారు.
News February 13, 2026
పిచ్చి తుగ్లక్లు చాలా మంది ఉంటారు: KTR
TG: <<19122392>>నేనే రాజు నేనే మంత్రి<<>> అనుకున్న చాలా మంది గాలికి కొట్టుకుపోయారని, ఎవరూ శాశ్వతం కాదని KTR విమర్శించారు. పిచ్చి తుగ్లక్లు చాలామంది ఉంటారని ఎద్దేవా చేశారు. ‘ఇందిర, NTR, KCR లాంటి నాయకులే ఓడిపోయారు. రేవంత్ రెడ్డిలా విర్రవీగిన వాళ్లు వచ్చారు, పోయారు. ప్రజల చైతన్యం అలానే ఉంది’ అని తెలిపారు. క్యాతన్పల్లి మున్సిపాలిటీని CPIతో కలిసి గెలుచుకున్నామని, కొత్తగూడెంలో ఆ పార్టీకి మద్దతిస్తామని చెప్పారు.
News February 13, 2026
జగిత్యాలలో జీవన్రెడ్డి అనుచరుల హవా!
TG: INCలో వివాదంగా మారిన జగిత్యాల మున్సి‘పోల్స్’లో మాజీ మంత్రి జీవన్రెడ్డి అనుచరులు రెబల్స్గా పోటీచేసిన అన్ని స్థానాలను కైవసం చేసుకున్నారు. మొత్తం 50 వార్డుల్లో ఎన్నికలు జరిగాయి. BRS MLA సంజయ్ అనుచరులకు పార్టీ టిక్కెట్లు దక్కడంతో జీవన్ రెడ్డి అనుచరులు 14 చోట్ల పోటీచేశారు. వాటన్నిటిలోనూ విజయం సాధించారు. ఇక ఇప్పటివరకు వచ్చిన ఫలితాల్లో INC 12, BJP 4, BRS 4, MIM 2 వార్డులను దక్కించుకున్నాయి.