News February 20, 2026
కృష్ణా: తిరుపతికి వెళ్లేవారికి గుడ్ న్యూస్
ప్రయాణికుల రద్దీ మేరకు ఉమ్మడి కృష్ణా జిల్లా మీదుగా విశాఖపట్నం(VSKP)- తిరుపతి(TPTY) మధ్య నడుస్తున్న ప్రత్యేక రైళ్లను పొడిగించినట్లు రైల్వే అధికారులు తెలిపారు. నంబరు 08583 VSKP- TPTY రైలు మార్చి 2 నుంచి 30 వరకు ప్రతి సోమవారం, నంబరు 08584 TPTY- VSKP మధ్య నడిచే రైలు మార్చి 3 నుంచి 31 వరకు ప్రతి మంగళవారం పొడిగించామన్నారు. ఈ రైళ్లు ఉమ్మడి కృష్ణాలో విజయవాడ, గుడివాడ, కైకలూరులో ఆగుతాయని తెలిపారు.
Similar News
News February 21, 2026
స్వచ్ఛ కార్యక్రమంలో కాకినాడ జేసీ
పరిసరాలను పరిశుభ్రంగా ఉంచుతూ ప్రతి ఒక్కరూ స్వచ్ఛ ఆంధ్ర దిశగా అడుగులేయాలని జాయింట్ కలెక్టర్ అపూర్వ భరత్ పిలుపునిచ్చారు. 3వ శనివారం సందర్భంగా రూరల్ వాకలపూడిలో ఆయన అధికారులతో కలిసి చీపుర్లు చేత బట్టి డ్రైనేజీలను శుభ్రం చేశారు. ప్రజలతో స్వచ్ఛ ఆంధ్ర కోసం ప్రతిజ్ఞ చేయించారు. జేసీ తమ ఎదుట పరిసరాలు పరిశుభ్రం చేయడంతో ఉద్యోగులు, సిబ్బందే కాదు ప్రజలు కూడా భాగస్వాములయ్యారు.
News February 21, 2026
నిమిషం ఆలస్యమైనా నో ఎంట్రీ: ఇంటర్ బోర్డు
AP: ఈ నెల 23 నుంచి జరగనున్న ఇంటర్ పరీక్షలకు 1,537 కేంద్రాలను ఏర్పాటు చేసినట్లు ఇంటర్ బోర్డు వెల్లడించింది. ఉ.9 గంటలకు పరీక్షలు ప్రారంభం కానుండగా, నిమిషం ఆలస్యమైనా పరీక్షా కేంద్రంలోకి అనుమతి ఉండదని స్పష్టం చేసింది. ఫోన్లు, స్మార్ట్ వాచ్లు, కాలిక్యులేటర్లు, ఇతర ఎలక్ట్రానిక్ గాడ్జెట్లను ఎగ్జామ్ హాలులోకి అనుమతించబోమని పేర్కొంది. ఫస్ట్, సెకండియర్ కలిపి 10,57,312 మంది ఎగ్జామ్స్ రాయనున్నారు.
News February 21, 2026
మెటర్నిటీ లీవ్ గురించి తెలుసా?
మెటర్నిటీ బెనిఫిట్ యాక్ట్ 1961 ప్రకారం, పని చేసే మహిళలకు గర్భం దాల్చిన సమయంలో ప్రత్యేకహక్కులు ఉన్నాయి. మొదటి ఇద్దరు పిల్లలకు 26 వారాల పెయిడ్ లీవ్స్ అందించాలి. తదుపరి పిల్లలకు 12 వారాల పెయిడ్ లీవ్స్ ఇవ్వాలి. మూడు నెలల కంటే తక్కువ వయస్సు ఉన్న బిడ్డను దత్తత తీసుకున్నప్పుడు లేదా సరోగసీ పేరెంట్స్ కూడా 12 వారాల సెలవు పొందవచ్చు. ఈ లీవ్స్ తీసుకున్నందుకు కంపెనీలు మహిళలను ఉద్యోగం నుంచి తొలగించలేవు.