News August 29, 2025
కృష్ణా: మెగా DSC.. 95% అభ్యర్థుల సర్టిఫికెట్ల పరిశీలన పూర్తి
ఉమ్మడి కృష్ణా జిల్లా మెగా DSCలో మెరిట్ సాధించిన అభ్యర్థుల సర్టిఫికెట్ల పరిశీలన ప్రక్రియ గురువారం జరిగింది. నోబుల్ కళాశాలలో 1,208 పోస్టులకు గాను, తొలిరోజు 1,048 మందికి కాల్ లెటర్లు జారీ చేశారు. 95% మంది అభ్యర్థుల సర్టిఫికెట్ల పరిశీలన పూర్తయింది. 200 మంది అభ్యర్థుల సర్టిఫికెట్లను పరిశీలించాల్సి ఉంది. ఆన్‌లైన్‌ అప్‌లోడ్ సమస్యలు, గైర్హాజరైన వారికి శుక్రవారం వెరిఫికేషన్ ఉంటుందని డిప్యూటీ DEO తెలిపారు.
Similar News
News August 29, 2025
నేడు మంచిర్యాల జిల్లాలో MP వంశీకృష్ణ
పెద్దపల్లి MP గడ్డం వంశీకృష్ణ శుక్రవారం మంచిర్యాల జిల్లాలో పర్యటించనున్నారు. మధ్యాహ్నం ఒంటిగంటకు మాతాశిశు హాస్పిటల్‌ను ఆయన సందర్శించనున్నారు. ఈ సందర్భంగా కోటపల్లిలో పిడుగుపాటుకు గురై చికిత్స పొందుతున్న రాజమల్లును MP పరామర్శిస్తారు. అనంతరం మధ్యాహ్నం 2 గంటలకు జైపూర్ మండలంలో వరద ప్రభావిత ప్రాంతాల్లో పర్యటిస్తారు. మధ్యాహ్నం 3 గంటలకు సోమనపల్లిలో వరదలకు దెబ్బతిన్న ప్రాంతాలను పరిశీలిస్తారు.
News August 29, 2025
BSNL: రూ.151తో 25 OTTలు, 450 ఛానళ్లకు యాక్సెస్
BSNL తన మొబైల్ కస్టమర్ల కోసం కొత్త BiTV ప్రీమియం ప్యాక్‌ను లాంచ్ చేసింది. నెలకు రూ.151 చెల్లిస్తే 25కి పైగా OTT ప్లాట్ఫామ్స్, 450కి పైగా లైవ్ టీవీ ఛానల్స్ పొందొచ్చు. ఈ ప్యాక్‌లో ZEE5, SonyLIV, Shemaroo, Sun NXT, Chaupal, Lionsgate Play, Discovery+, Epic ON వంటి ప్రముఖ ప్లాట్ఫామ్స్ ఉన్నాయి. న్యూస్, స్పోర్ట్స్, ప్రాంతీయ ఛానళ్లతో సహా అనేక లైవ్ టీవీ ఛానళ్లూ చూడొచ్చు.
News August 29, 2025
సురక్షిత నగరాల్లో విశాఖకు చోటు
దేశంలో మహిళల జీవనం, భద్రతకు అత్యంత సురక్షిత నగరంగా విశాఖ నిలిచింది. కోహిమా, భువనేశ్వర్, ఐజ్వాల్, గ్యాంగ్‌టక్, ఈటానగర్, ముంబై‌లతో కలిసి సంయుక్తంగా టాప్ ప్లేస్‌ను కైవసం చేసుకుంది. మహిళల భద్రత, సురక్షిత జీవన పరిస్థితులపై నేషనల్ యాన్యువల్ రిపోర్ట్ అండ్ ఇండెక్స్ సర్వే చేసింది. మహిళలకై మౌలిక సదుపాయాలు, పోలీసింగ్, పౌరభాగస్వామ్యం ఈ నగరాల్లో ఉన్నట్లు తేలింది. దక్షిణాదిలో కేవలం విశాఖకే చోటు దక్కడం విశేషం.