News November 10, 2024
కేటీఆర్‌ను ఎప్పుడైనా అరెస్టు చేయవచ్చు: షబ్బీర్ అలీ
కేటీఆర్ ఓ బచ్చా అని, ఆయన్ను ఫార్ములా రేస్ కేసులో ఎప్పుడైనా అరెస్టు చేయవచ్చని ప్రభుత్వ సలహాదారు షబ్బీర్ అలీ వ్యాఖ్యానించారు. ఆయన నిజామాబాద్‌లో మాట్లాడుతూ.. ప్రభుత్వం ఎన్నో మంచి పనులు చేస్తుంటే ప్రజల నుంచి ఆదరణ వస్తోందని, దాన్ని చూసి ఓర్వలేకనే కేటీఆర్ అవాకులు చెవాకులు పేలుతున్నారని విమర్శించారు. ప్రభుత్వం ప్రతిపక్షనేతగా కేసీఆర్‌ను మాత్రమే గుర్తిస్తుందన్నారు.
Similar News
News November 12, 2024
మహారాష్ట్రలోనే అత్యధిక రైతు ఆత్మహత్యలు: షబ్బీర్ అలీ
దేశంలో అత్యధికంగా మహారాష్ట్రలోనే అన్నదాతల ఆత్మహత్యలు జరిగాయని రాష్ట్ర ప్రభుత్వ సలహాదారు షబ్బీర్ అలీ అన్నారు. మహారాష్ట్ర ఎన్నికల ప్రచార సభలో పాల్గొన్న ఆయన మాట్లాడారు. కేంద్ర, మహారాష్ట్ర ప్రభుత్వాలు రైతు సంక్షేమాన్ని మరిచిపోయాయని ఫైర్ అయ్యారు. మహారాష్ట్రలో బీజేపీ అసత్య ప్రచారం చేస్తుందన్నారు. తెలంగాణలో ఇచ్చిన మాట ప్రకారం గ్యారంటీలను కాంగ్రెస్ అమలు చేస్తోందని చెప్పుకొచ్చారు.
News November 12, 2024
పరీక్ష కేంద్రాలకు ముందుగానే రావాలి: NZB కలెక్టర్
ఆర్మూర్ మార్గంలో అడవి మామిడిపల్లి వద్ద ఆర్‌యూబీ నిర్మాణ పనులు కొనసాగుతున్నాయి. ఈ నేపథ్యంలో ఈ నెల 17, 18 తేదీల్లో గ్రూప్ -3 పరీక్షలకు హాజరయ్యే అభ్యర్థులు ప్రత్యామ్నాయ మార్గాల ద్వారా నిర్ణీత సమయం కంటే ముందే పరీక్ష కేంద్రాలకు చేరుకోవాలని కలెక్టర్ రాజీవ్ గాంధీ హనుమంతు సూచించారు. ఆర్‌యుూబీ పనులు జరుగుతున్నందున నవంబర్ 10 నుంచి డిసెంబర్ 10 వరకు నిజామాబాద్ – ఆర్మూర్ మార్గంలో రాకపోకలు మళ్లించామన్నారు.
News November 12, 2024
బిక్కనూర్: ఇద్దరు ఉపాధ్యాయులు సస్పెండ్
బిక్కనూర్ మండలం కాచాపూర్ గ్రామ ప్రాథమిక పాఠశాలలో పనిచేసే ఇద్దరు ఉపాధ్యాయులను సస్పెండ్ చేసినట్లు మండల విద్యాధికారి రాజా గంగారెడ్డి తెలిపారు. పాఠశాలలో మైనర్ బాలిక పట్ల అసభ్యకరంగా ప్రవర్తించిన ఉపాధ్యాయుడు శ్రీనివాస్, అతనికి సహకరించిన ప్రధానోపాధ్యాయుడు కాంత్ రెడ్డిని జిల్లా విద్యాశాఖ అధికారి రాజు సస్పెండ్ చేస్తూ ఉత్తర్వులు జారీ చేశారు.