News November 30, 2025
కొండగట్టు బాధితులకు రూ.30 లక్షల పరిహారం ఇవ్వాలి: KTR
కొండగట్టు అగ్నిప్రమాద ఘటనపై బీఆర్ఎస్ వర్కింగ్ ప్రెసిడెంట్ KTR తీవ్ర ఆవేదన వ్యక్తం చేశారు. కొండగట్టులో జరిగిన నష్టం వివరాలను మాజీ ఎమ్మెల్యే సుంకే రవిశంకర్ను ఆయన అడిగి తెలుసుకున్నారు. నష్టపోయిన ఒక్కో కుటుంబానికి రూ. 30 లక్షల పరిహారం ఇవ్వాలని డిమాండ్ చేశారు. సకాలంలో ఫైర్ ఇంజన్ రాకపోవడమే ఆస్తి నష్టం భారీగా జరగడానికి ప్రధాని కారణమని మండిపడ్డారు. ఇది ప్రభుత్వ యంత్రాంగం వైఫల్యానికి నిదర్శనం అన్నారు.
Similar News
News November 30, 2025
HYD: రూ.1147కే డ్రైవింగ్ లైసెన్స్!
పని ఈజీ అవుద్దని కొందరు డ్రైవింగ్ లైసెన్స్ కోసం బ్రోకర్లను ఆశ్రయిస్తారు. ఇలా 2వీలర్‌ లైసెన్స్‌కు రూ.3000 నుంచి రూ.4000 వృథా చేస్తున్నారు. కానీ, LR పొందిన నెల తర్వాత DLకి అప్లై చేయొచ్చు. https://sarathi.parivahan.gov.inలో వివరాలు పొందుపరిచి, రూ.1147 చెల్లించి స్లాట్ బుక్ చేసుకోవచ్చు. నాగోల్‌లో ట్రాక్ ఉంది. పైఫొటోలోని సర్కిల్ ‘8’ను కంప్లీట్ చేస్తే లైసెన్స్ వచ్చేస్తుంది. Dont Waste Money.
SHARE IT
News November 30, 2025
జగన్ హయాంలో ఇరిగేషన్ నాశనం: మంత్రి నిమ్మల
AP: YS జగన్ హయాంలో రాష్ట్ర ఇరిగేషన్ వ్యవస్థ పూర్తిగా నాశనం అయిందని మంత్రి నిమ్మల రామానాయుడు విమర్శించారు. పశ్చిమ గోదావరి జిల్లాలో పర్యటించిన మంత్రి.. ఈ సందర్భంగా మీడియాతో మాట్లాడారు. కూటమి ప్రభుత్వం వచ్చాక శ్రీశైలం ప్లంజ్ పూల్, తుంగభద్ర గేట్లు, ధవళేశ్వరం బ్యారేజ్ కోసం మొత్తంగా రూ.400 కోట్లకు పైగా కేటాయించినట్లు తెలిపారు. మత్స్యకారులకు ఎన్నికల హామీ మేరకు భృతి రూ.20 వేలకి పెంచినట్లు చెప్పారు.
News November 30, 2025
ఖమ్మం: 20 ఏళ్లుగా ఎన్నికలకు నోచుకోని వార్డులు
ఏన్కూరు(M) నూకలంపాడు గ్రామ పంచాయతీలో విచిత్ర పరిస్థితి నెలకొంది. ఈ గ్రామంలో మొత్తం 8 వార్డులు ఉండగా, అందులో 4 వార్డులు STలకు రిజర్వ్ చేయబడ్డాయి. అయితే గ్రామంలో ఒక్క ST ఓటరు కూడా లేకపోవడంతో, ఈ 4 వార్డులు దాదాపు 2 దశాబ్దాలుగా ఎన్నికలకు దూరంగా ఉన్నాయి. ఈసారి జరగనున్న ఎన్నికల్లో కూడా ఈ వార్డులకు నామినేషన్లు వేసే అవకాశం లేదు. అలాగే సర్పంచి కూడా ST రిజర్వ్ కావడంతో ఉపసర్పంచే సర్పంచిగా వ్యవహరిస్తున్నారు.