News December 10, 2025
కొత్తగూడెం: డబ్బు కోసం మిత్రుడి హత్య.. జీవిత ఖైదు
హత్య కేసులో నిందితుడికి జీవిత ఖైదు విధిస్తూ జిల్లా ప్రధాన న్యాయమూర్తి పాటిల్ వసంత్ మంగళవారం తీర్పు చెప్పారు. కొత్తగూడెం గణేష్ బస్తీకి చెందిన కేతేపల్లి సుధాకర్ను అతని మిత్రుడైన చాతకొండకు చెందిన షేక్ బాషా హతమార్చాడు. డబ్బు, గోల్డ్ చైన్, ఉంగరం కోసం ఫోన్ చేసి పిలిచి దాడి చేసి చంపినట్లు 16 మంది సాక్షుల విచారణలో తేలింది. జీవిత ఖైదు, రూ.2వేల జరిమానా విధిస్తూ జడ్జి తీర్పు విలువరించారు.
Similar News
News December 10, 2025
బాపట్ల: ఇకపై భూ సమస్యలు సచివాలయంలోనే పరిష్కారం
నిషేధిత భూముల జాబితా నుంచి భూమి తొలగింపునకు గ్రామ/వార్డు సచివాలయంలో నామమాత్ర రుసుము చెల్లించి దరఖాస్తు చేసుకోవాలని కలెక్టర్ వినోద్ కుమార్ మంగళవారం తెలిపారు. భూ సమస్యల పరిష్కారానికి రెవెన్యూ కార్యాలయాలకు వెళ్లాల్సిన అవసరం లేదన్నారు. వెబ్ ల్యాండ్ సవరణలు, IGRS పేర్ల తొలగింపు, భూమి స్వభావ మార్పు, సబ్ డివిజన్ వంటి సేవలకు రూ.50 నుంచి 150 వరకు సచివాలయంలో రుసుం చెల్లిస్తే సరిపోతుందన్నారు.
News December 10, 2025
వేరుశనగలో సాగుకు అనువైన అంతర పంటలు
వేరుశనగలో కంది, అనప, జొన్న, సజ్జ వంటివి అంతర పంటలుగా సాగుకు అనుకూలం. ఇవి పొడవైన వేరువ్యవస్థ కలిగి భూమి లోపలిపొరల నుంచి నీటిని తీసుకొని బెట్ట పరిస్థితులను సైతం తట్టుకునే శక్తిని కలిగి ఉంటాయి. ఇవి వేరుశనగ పంటతో పాటు నీడ, నీరు, పోషకాల విషయంలో పోటీపడవు. కంది, అనప పంటలైతే 6-7 వేరుశనగ వరుసల తర్వాత ఒక వరుసగా.. జొన్న, సజ్జ పంటలైతే 6 వేరుశనగ మొక్కల వరుసల తర్వాత 2 వరుసలుగా నాటి సాగుచేసుకోవచ్చు.
News December 10, 2025
SKY..WHY?
IND టీ20 కెప్టెన్ సూర్య గత కొంతకాలంగా బ్యాటుతో రాణించలేకపోతున్నారు. ఒక్క ఫార్మాట్కే పరిమితమైన ఈ హిట్టర్ స్థాయికి తగ్గట్లుగా ఆడకపోవడంపై విమర్శలొస్తున్నాయి. గత 19 ఇన్నింగ్స్లలో 13.47Avg, 119.35 స్ట్రైక్ రేటుతో 222 రన్స్ చేశారు. ఇందులో 11 ఇన్నింగ్స్లలో ఆయన స్కోర్ 10లోపే ఉంది. నిన్న SAతో తొలి T20లో 12 రన్స్ చేశారు. కెప్టెన్సీ వల్లే SKY బ్యాటింగ్లో ఫెయిలవుతున్నారనే అభిప్రాయాలు వ్యక్తమవుతున్నాయి.