News November 20, 2025
కొత్తగూడెం: 100 ఖాళీల భర్తీకి జాబ్ మేళా
భద్రాద్రి కొత్తగూడెం జిల్లా నిరుద్యోగ యువకులకు జిల్లా ఉపాధి కల్పనాధికారి కొండపల్లి శ్రీరాం శుభవార్త చెప్పారు. ఓ ప్రైవేట్ కంపెనీలో సేల్స్ అండ్ మార్కెటింగ్లో 100 ఖాళీల భర్తీకి ఈనెల 21న పాల్వంచ డిగ్రీ కళాశాలలో ఇంటర్వ్యూలు ఉంటాయని తెలిపారు. టెన్త్, ఇంటర్, ఏదైనా డిగ్రీ చదివి, 22-28 ఏళ్ల మధ్య వయసు ఉన్నవారు అప్లై చేసుకోవాలని కోరారు. రూ.20వేల జీతంతో పాటు టీ.ఏ, ఇన్సెంటివ్స్ ఇస్తుందన్నారు.
Similar News
News November 20, 2025
చెరకు పంటను ఇలా నరికితే ఎక్కువ లాభం
చెరకు పంటను నరికేటప్పుడు గడలను భూమట్టానికే నరకాలి. కొన్ని ప్రాంతాల్లో భూమి పైన రెండు, మూడు అంగుళాలు వదిలేసి నరుకుతుంటారు. ఇలా చేయడం వల్ల రైతుకు నష్టం. మొదలు కణపులలో పంచదార పాలు ఎక్కువగా ఉండడం వల్ల ఇటు పంచదార అటు బెల్లం దిగుబడులు కూడా తగ్గుతాయి. చెరకును భూమట్టానికి నరికి ఖాళీ చేసిన తోటల్లో వేళ్లు లోతుగా చొచ్చుకెళ్లి తోట బలంగా పెరిగి వర్షాకాలంలో వచ్చే ఈదురు గాలులు, వర్షాలను కూడా తట్టుకుంటుంది.
News November 20, 2025
ఆదోని వ్యవసాయ మార్కెట్ యార్డులో ధరల వివరాలు
ఆదోని వ్యవసాయ మార్కెట్ యార్డులో బుధవారం పత్తి, వేరుశనగ, ఆముదాల ధరలు ఇలా ఉన్నాయి. పత్తి క్వింటా కనిష్ఠ ధర రూ.3,976, గరిష్ఠ ధర రూ.7,330 పలికింది. వేరుశనగ కనిష్ఠ ధర రూ.3,700, గరిష్ఠ ధర రూ.6,636 వరకు నమోదైంది. ఆముదాలు కనిష్ఠంగా రూ.5,109, గరిష్ఠంగా రూ.5,924 వరకు అమ్ముడయ్యాయి. సీసీఐ కొనుగోలు కేంద్రాల్లో తేమ శాతం చూపుతూ పంటలు కొనుగోలు చేయడం లేదని రైతులు ఆవేదన వ్యక్తం చేస్తున్నారు.
News November 20, 2025
కడప జిల్లా వ్యాప్తంగా పెరిగిన చలి తీవ్రత.!
కడప జిల్లా వ్యాప్తంగా చలి తీవ్రత పెరిగింది. దీంతో పలుచోట్ల మంచు ప్రభావంతో చిరు వ్యాపారులు, వాహనదారులు ఇబ్బందులు పడుతున్నారు. ఈ ఏడాది డిసెంబర్ ప్రారంభం కాకముందే చలి అధికంగా ఉండడంతో డిసెంబర్ నెలలో మరింత ఎక్కువ చలి ప్రభావం ఉంటుందని, ప్రజలు మరింత అప్రమత్తంగా ఉండాలని డాక్టర్లు చెబుతున్నారు. వాహనదారులు మరింత అప్రమత్తంగా ఉండాలని, స్థానికులు అవసరం అయితే తప్ప తెల్లవారుజామున ప్రయాణాలు చేయవద్దన్నారు.