News February 20, 2026

కొత్తపాలెంలో ఆటో ఢీకొని రెండేళ్ల చిన్నారి మృతి

చీరాల మండలంలోని కొత్తపాలెంలో గురువారం విషాదం చోటుచేసుకుంది. స్థానికుల కథనం.. వ్యవసాయ కూలీలను దించేందుకు వచ్చిన ఓ ఆటో ఇంటి సమీపంలో ఆడుకుంటున్న రెండేళ్ల చిన్నారిని ఢీకొట్టింది. ఈ ప్రమాదంలో తలకు తీవ్ర గాయాలైన చిన్నారిని తల్లిదండ్రులు వెంటనే చీరాల ప్రభుత్వ ఆసుపత్రికి తరలించారు. పరీక్షించిన వైద్యులు అప్పటికే బాబు మృతి చెందినట్లు ధ్రువీకరించారు. పోలీసులు కేసు నమోదు చేసి దర్యాప్తు చేస్తున్నారు.