News March 28, 2026
కొలెస్ట్రాల్ నార్మల్ ఉన్నా గుండెపోటు ముప్పు
చాలామంది బ్లడ్ టెస్టుల్లో కేవలం HDL, LDL మాత్రమే చూసుకుంటారు. అయితే కొలెస్ట్రాల్ నార్మల్ ఉన్నా గుండెపోటు రావడానికి లిపోప్రోటీన్(a) లేదా Lp(a) ప్రధాన కారణమని వైద్యులు హెచ్చరిస్తున్నారు. ఇది జన్యుపరంగా వస్తుంది కాబట్టి ఆహారం, వ్యాయామంతో సంబంధం లేకుండా పుట్టుకతోనే శరీరంలో స్థిరంగా ఉంటుంది. ఇది రక్తనాళాల్లో పూడికలు, రక్తం గడ్డకట్టే రిస్క్ను పెంచుతుంది. భారతీయులలో ఈ ముప్పు మరీ ఎక్కువ.
Similar News
News April 7, 2026
ఇలాంటి వారితో సమాజానికి ఉపయోగం ఉండదు!
ముష్టి వేపచెట్టు మొదలుగా బ్రజలకు
పరగ మూలికలకు పనికివచ్చు
నిర్దయుండు ఖలుడు నీచుడెందులకగు?
విశ్వదాభిరామ! వినుర వేమ!!
తాత్పర్యం: విషపూరితంతో పాటు ఔషధ గుణాలున్న ముష్టి(Nux vomica) చెట్టు, చేదుగా ఉండే వేప చెట్టు వివిధ రూపాల్లో ఈ లోకానికి ఎంతో మేలు చేస్తాయి. కానీ దయ లేని వాడు, దుర్మార్గుడు ఈ సమాజానికి ఏ విధంగానూ ఉపయోగపడడు. పైగా హాని చేస్తాడు.
<<-se>>#PADHYAM<<>>
News April 7, 2026
IPL: నేడు ముంబైvsరాజస్థాన్
IPLలో ఈరోజు ముంబై ఇండియన్స్, రాజస్థాన్ రాయల్స్ తలపడనున్నాయి. గువాహటి వేదికగా 7.30PMకి మ్యాచ్ స్టార్టవుతుంది. టోర్నీ చరిత్రలో ఇప్పటివరకు ఇరు జట్లు 30 సార్లు తలపడగా 16 విజయాలతో MI పైచేయి సాధించింది. 2021 నుంచి 8 మ్యాచుల్లో 5 విజయాలు నమోదు చేసింది. రెండు జట్లు బ్యాటింగ్, బౌలింగ్లో బ్యాలెన్స్డ్గా ఉండటంతో మ్యాచ్ హోరాహోరీగా సాగే అవకాశముంది. MI కెప్టెన్ హార్దిక్ ఈ మ్యాచుకు అందుబాటులో ఉంటారని సమాచారం.
News April 7, 2026
ALERT.. నేటి నుంచి వర్షాలు
తెలంగాణలో నేటి నుంచి 3 రోజులపాటు వర్షాలు పడే అవకాశముందని HYD వాతావరణ కేంద్రం వెల్లడించింది. ఈరోజు భూపాలపల్లి, ములుగు, భద్రాద్రి, ఖమ్మం, NLG, సూర్యాపేట, MHBD, WGL, HNK, జనగామ, సిద్దిపేట జిల్లాల్లో అక్కడక్కడా మోస్తరు వర్షాలు పడతాయని తెలిపింది. అటు ఏపీలో నేడు, రేపు పలు జిల్లాల్లో పిడుగులతో కూడిన వర్షాలు కురుస్తాయని APSDMA పేర్కొంది. నేడు ఉత్తర, కోస్తాంధ్ర ప్రాంతాల్లో వానలు పడతాయని వివరించింది.