News February 21, 2026
కోదాడ: గడ్డి మిషన్ కొనివ్వలేదని యువకుడు ఆత్మహత్య
కోదాడ మండలం గణపవరం గ్రామానికి చెందిన పసుపులేటి నాగరాజు (23) ఎలుకల మందు తాగి చికిత్స పొందుతూ మృతి చెందాడు. ఎస్సై గోపాల్ రెడ్డి వివరాల ప్రకారం.. గడ్డి మిషన్ కొనివ్వలేదని మనస్తాపానికి గురై ఈనెల 9న నాగరాజు విషం తాగాడు. మొదట ఖమ్మం ప్రభుత్వ ఆసుపత్రికి తరలించారని, అనంతరం ప్రైవేట్ ఆసుపత్రికి తీసుకెళ్లగా చికిత్స పొందుతూ మృతి చెందినట్లు తెలిపారు. తండ్రి లక్ష్మయ్య ఫిర్యాదు మేరకు కేసు నమోదు చేశామన్నారు.
Similar News
News February 28, 2026
పెళ్లి రోజు వర్షం పడితే అశుభమా?
పెళ్లి రోజు వాన పడటం శుభప్రదమని పండితులు చెబుతున్నారు. ‘వర్షాన్ని స్వచ్ఛత, శ్రేయస్సు, దైవిక ఆశీర్వాదాలకు చిహ్నంగా భావిస్తారు. వివాహ సమయంలో వర్షం కురిస్తే ఆ నూతన వధూవరులు అదృష్టవంతులని, వారు జీవితాంతం సిరిసంపదలతో, సంతానంతో కలకాలం సంతోషంగా ఉంటారని నమ్మకం. ఇది వారి కొత్త జీవితంలో ఎదుగుదలకు, శుభారంభానికి సంకేతం. అయితే ఈ విషయాలు విశ్వాసాలపై ఆధారపడి ఉన్నాయని గమనించాలి’ అంటున్నారు.
News February 28, 2026
ESIC రాయ్పూర్లో ఉద్యోగాలకు నోటిఫికేషన్
<
News February 28, 2026
WGL: కాసేపట్లో నింగిలోకి ‘రుద్రమ-1’ రాకెట్
భద్రకాళి బండ్ వేదికగా ‘రుద్రమ-1’ మోడల్ రాకెట్ను శనివారం సాయంత్రం 5 గంటలకు ప్రయోగించనున్నారు. 250 గ్రాముల బరువు, 4 అడుగుల ఎత్తు ఉన్న ఈ చిట్టి రాకెట్ శాస్త్ర సాంకేతిక రంగంపై ఆసక్తి ఉన్న వారిని ఆకట్టుకుంటోంది. ప్లాస్టిక్, బాల్సా ఉడ్, ఫైబర్ వంటి తేలికపాటి పదార్థాలతో దీనిని రూపొందించారు. ప్రయోగం తర్వాత ఇది సుమారు 3 వేల అడుగుల ఎత్తుకు చేరుకుంటుందని అంచనా.