News October 25, 2025
కోస్గి ఎంపీడీఓగా తాండూరు యువకుడికి పోస్టింగ్
గ్రూప్-1లో ఉద్యోగం సాధించిన తాండూరు యువకుడు కుర్వ క్రాంతికి నారాయణపేట జిల్లా కోస్గి మండల పరిషత్ అభివృద్ధి అధికారి(ఎంపీడీఓ)గా పోస్టింగ్ ఖరారైంది. శిక్షణ పూర్తి చేసుకున్న ఆయనకు గ్రామీణాభివృద్ధి శాఖ మంత్రి సీతక్క, డైరెక్టర్ సృజన ద్వారా నియామక పత్రాన్ని అందించారు. క్రాంతి సోమవారం కోస్గి ఎంపీడీఓగా మొదటిసారిగా బాధ్యతలు చేపట్టనున్నారు. ఈ సందర్భంగా తాండూరు ప్రజలు క్రాంతికి అభినందనలు తెలిపారు.
Similar News
News October 26, 2025
ఎంజీఎం సూపరింటెండెంట్‌పై వేటు
ఎంజీఎం ఆసుపత్రిలో వరుస ఘటనలు,<<18099653>> ‘ఔరా ఇదేం వైద్యం.. ఎంజీఎంలో ఇద్దరికీ ఒకే సిలిండర్!’ <<>>అని Way2Newsలో శనివారం మధ్యాహ్నం ప్రచురితమైన కథనంపై మంత్రి దామోదర రాజనర్సింహ తీవ్ర ఆగ్రహం వ్యక్తం చేశారు. తక్షణమే సూపరింటెండెంట్ డాక్టర్ కిషోర్‌పై వేటు వేశారు. నిర్లక్ష్యంగా వ్యవహరించే సిబ్బందిపై కఠిన చర్యలు తీసుకోవాలని ఆదేశిస్తూ, ప్రతి వారం ఆసుపత్రిపై సమీక్షించి నివేదిక ఇవ్వాలని డీఎంఈ నరేంద్ర కుమార్‌కు సూచించారు.
News October 26, 2025
ANU రీవాల్యుయేషన్ ఫలితాలు విడుదల
ANU పరిధిలో ఏప్రిల్ 2025లో నిర్వహించిన M.B.A, PG రీవాల్యుయేషన్ ఫలితాలను శనివారం పరీక్షల నిర్వహణ అధికారి ఆలపాటి శివప్రసాదరావు విడుదల చేశారు. M.B.A 4-సెమిస్టర్, M.SC 3-సెమిస్టర్ ఫారెస్ట్రీ, మ్యాథమెటిక్స్, ఫిజిక్స్, కెమిస్ట్రీ, M.SC 1-సెమిస్టర్ మ్యాథమెటిక్స్, ఫిజిక్స్, కెమిస్ట్రీ, ఎలక్ట్రానిక్స్& టెక్నాలజీ సబ్జెక్టుల రీవాల్యుయేషన్ ఫలితాలను యూనివర్సిటీ వెబ్ సైట్ చూడాలన్నారు.
News October 26, 2025
KG చికెన్ ధర ఎంతంటే?
కార్తీక మాసం ప్రారంభమైనా తెలుగు రాష్ట్రాల్లో చికెన్ ధరలు పెద్దగా తగ్గలేదు. ఇవాళ హైదరాబాద్‌లో స్కిన్ లెస్ కేజీ రూ.220-240, సూర్యాపేటలో రూ.220గా ఉంది. ఏపీలోని విజయవాడలో రూ.240, విశాఖలో రూ.270, చిత్తూరులో రూ.220-245, కర్నూలులో రూ.200-240 వరకు పలుకుతోంది. ఆదివారం కావడంతో రేట్లు తగ్గలేదని, రేపటి నుంచి తగ్గే అవకాశం ఉందని వ్యాపారులు అంచనా వేస్తున్నారు. మరి మీ ఏరియాలో చికెన్ రేటు ఎంత ఉందో కామెంట్ చేయండి.