News November 29, 2025
కౌటాల ZPHS HM సస్పెండ్
ZPHS కౌటాల హెడ్‌మాస్టర్ నారాయణ సింగ్‌ సస్పెండ్ అయ్యారు. మధ్యాహ్న భోజనంలో నాణ్యత లోపం, మెనూ అమలు చేయకపోవడం, విద్యార్థుల ధర్నా తదితర కారణాలపై రీజినల్ జాయింట్ డైరెక్టర్ ఆఫ్ స్కూల్ ఎడ్యుకేషన్ నారాయణ ఆయన్ను సస్పెండ్ చేస్తూ శనివారం ఉత్తర్వులు జారీ చేశారు. పరిశీలన పూర్తయ్యేవరకు సస్పెన్షన్ కొనసాగుతుందన్నారు.
Similar News
News November 30, 2025
నెల్లూరు జిల్లా స్కూళ్లకు రేపు సెలవు
తుఫాన్ హెచ్చరికల నేపథ్యంలో నెల్లూరు జిల్లాలోని అన్ని పాఠశాలలకు విద్యాశాఖ సోమవారం సెలవు ప్రకటించింది. అన్ని ప్రభుత్వ, ప్రైవేట్ స్కూళ్లకు సెలవు ఇచ్చేలా DyEOs, MEOs, HMs అందరూ చర్యలు తీసుకోవాలని డీఈవో బాలాజీ రావు ఆదేశించారు. నెల్లూరులో సోమవారం జరగాల్సిన PGRS కూడా రద్దు చేశారని తెలిపారు.
News November 30, 2025
పెద్దపల్లి జిల్లా వార్డ్ సభ్యుల నామినేషన్లకు భారీ స్పందన
పెద్దపల్లి జిల్లా గ్రామపంచాయతీ ఎన్నికల్లో వార్డు సభ్యుల నామినేషన్ల దాఖలు నిన్నటితో ముగిసింది. చివరి రోజు అభ్యర్థుల రద్దీ అధికంగా ఉండడంతో పెద్ద సంఖ్యలో దరఖాస్తులు వచ్చాయి. మొత్తం 896 వార్డులకు 2,146 నామినేషన్లు దాఖలయ్యాయి. కమాన్ పూర్ 253, మంథని 615, ముత్తారం 339, రామగిరి 449, శ్రీరాంపూర్ 490 నామినేషన్లు సమర్పించారు. నామినేషన్ ప్రక్రియ మొత్తం శాంతియుతంగా సాగిందని జిల్లా ఎన్నికల అధికారులు తెలిపారు.
News November 30, 2025
ADB: యోగా ఫలితాలు ఎప్పుడు సారూ..!
KU అనుబంధం ఉన్న SDLCEలో పరీక్షలు పెట్టడం, ఫలితాలు మరిచిపోవడం ఈ మధ్య ఎక్కువైంది. గతేడాది తీసుకొచ్చిన కొత్త కోర్సు డిప్లొమా ఇన్ యోగా పరీక్షలను ఆగస్టు 12 నుంచి 18 వరకు నిర్వహించారు. పరీక్షలు జరిగి 4 నెలలవుతున్నా ఫలితాలు ప్రకటించకపోవడంతో, ఉద్యోగ అవకాశాలను కోల్పోతున్నామని అభ్యర్థులు వాపోతున్నారు. యోగా డిప్లొమా ఉంటే యోగా టీచర్ ఉద్యోగాలు వస్తాయని, ఈ ఫలితాలు ప్రకటించకపోవడం మూలంగా నష్టపోతున్నామంటున్నారు.