News March 30, 2026

ఖమ్మం: ఓపెన్ స్కూల్ పరీక్షలకు పటిష్ట ఏర్పాట్లు: కలెక్టర్

ఖమ్మం జిల్లాలో ఓపెన్ స్కూల్ పదో తరగతి, ఇంటర్మీడియట్ పరీక్షల నిర్వహణకు పటిష్ట ఏర్పాట్లు చేయాలని కలెక్టర్ అనుదీప్ దురిశెట్టి అధికారులను ఆదేశించారు. కలెక్టరేట్‌లో నిర్వహించిన సమీక్షా సమావేశంలో ఆయన మాట్లాడుతూ.. ఏప్రిల్ 20 నుంచి 27 వరకు జరిగే ఈ పరీక్షల కోసం జిల్లాలో 8 కేంద్రాలను ఏర్పాటు చేసినట్లు తెలిపారు. విద్యార్థులకు ఇబ్బంది కలగకుండా తాగునీరు, విద్యుత్, వైద్య సదుపాయాలు కల్పించాలని సూచించారు.