News October 9, 2025
ఖమ్మం: కలప అక్రమ రవాణా ఇంటి దొంగల పనేనా?
ఖమ్మం జిల్లా అటవీ శాఖలో అక్రమ కలప రవాణా కలకలం రేపింది. అధికారుల అనుమతి లేకుండానే సండ్ర అడవి దాటిపోవడంలో ఇంటి దొంగల ప్రమేయం ఉందని ఉన్నతాధికారులు తేల్చారు. చింతకాని(M) నుంచి తరలించిన కలపకు ఫీల్డ్ వెరిఫికేషన్, వాల్టా ఫీజు లేకుండానే NOC జారీ చేసినట్లు దర్యాప్తులో గుర్తించారు. ఈఘటనపై DFO సిద్ధార్థ్ విక్రమ్ సింగ్ నేతృత్వంలో దర్యాప్తు జరుగుతోంది. ఇప్పటికే చింతకాని ఫారెస్ట్ బీట్ ఆఫీసర్‌ను సస్పెండ్ చేశారు.
Similar News
News October 9, 2025
NRML: 9 జడ్పీటీసీ, 75 ఎంపీటీసీలకు నేటి నుంచి నామినేషన్లు
జిల్లాలో జడ్పీటీసీ, ఎంపీటీసీ తొలివిడత ఎన్నికల నామినేషన్ల స్వీకరణ ప్రక్రియ నేటి (గురువారం) నుంచి ప్రారంభం కానుంది. ఈరోజు నుంచి ఎల్లుండి (అక్టోబర్ 11, 2025) వరకు ఉదయం 10.30 నుంచి సాయంత్రం 5 గంటల వరకు నామినేషన్లు స్వీకరిస్తారు. తొలివిడతలో 9 జెడ్పీటీసీ, 75 ఎంపీటీసీ స్థానాలకు ఖానాపూర్, పెంబి, కడెం, దస్తురాబాద్, మామడ, లక్ష్మణచందా, నిర్మల్, సోన్, సారంగాపూర్ మండలాల్లో పోలింగ్ జరగనుంది.
News October 9, 2025
గ్యాస్ సిలిండర్ ఎక్స్‌పైరీ తేదీని చెక్ చేయండిలా!
ఇంట్లో నెలల తరబడి గ్యాస్ సిలిండర్ ఉంచుతున్నారా? ఇది ప్రమాదమే. ఎందుకంటే వాటికీ ఎక్స్‌పైరీ తేదీ ఉంటుంది. సురక్షితమైన వాడకం కోసం దీనిని నిర్ణయించారు. దీనిని సిలిండర్ పైభాగంలో ముద్రిస్తారు. ఉదా.. ‘C-27’ అని ఉంటే 2027లో JUL- SEP మధ్య ముగుస్తుందని అర్థం. A అని ఉంటే JAN TO MAR, B- APR TO JUN, C-JULY TO SEP, D- OCT TO DEC అని తెలుసుకోవాలి. గడువైపోయిన వాటిని వాడకుండా ఉంటే ప్రమాదాలు జరగవు. SHARE IT
News October 9, 2025
గ్రూప్1 నియామకాలపై జోక్యానికి సుప్రీం నో
తెలంగాణలో గ్రూప్1 నియామకాలపై జోక్యం చేసుకునేందుకు సుప్రీంకోర్టు నిరాకరించింది. ప్రస్తుతం ఇదే అంశంపై ఈనెల 15న హైకోర్టులో విచారణ ఉన్న సమయంలో తాము ఇందులో జోక్యం చేసుకోబోమని పిటిషనర్‌కు స్పష్టం చేసింది. కాగా హైకోర్టు తుది తీర్పుకు లోబడే నియామకాలు ఉంటాయని ప్రకటించింది. మరోవైపు తెలంగాణ ప్రభుత్వం ఇప్పటికే అభ్యర్థులను సెలక్ట్ చేసింది.