News March 6, 2025
ఖమ్మం: కాయిన్ మింగిన నాలుగేళ్ల చిన్నారి
ఖమ్మం జిల్లా రఘునాథపాలెం మండలం పాండురంగాపురంలో నాలుగేళ్ల చిన్నారి ఆడుకుంటూ కాయిన్ మింగేశాడు. మోతీలాల్- శైలజ కుమారుడు ప్రద్యుత్ ఐదు రూపాయల కాయిన్తో ఆడుకుంటూ.. నోట్లో పెట్టుకుని మింగడంతో అది గొంతులో ఇరుక్కుపోయింది. చిన్నారిని తల్లిదండ్రులు వెంటనే ఆసుపత్రికి తరలించారు. చిన్నారిని పరీక్షించిన డాక్టర్లు గొంతులోని కాయిన్ను ఎండోస్కోపీ ద్వారా ఆపరేషన్ లేకుండా బయటకు తీసి ప్రాణాలు కాపాడారు.
Similar News
News February 8, 2026
మద్యం తాగి వాహనం నడిపితే జైలే: ఎస్పీ
బాపట్ల జిల్లాలో రోడ్డు ప్రమాదాల నివారణే లక్ష్యంగా ఎస్పీ బి. ఉమామహేశ్వర్ ఆదేశాలతో పోలీసులు ముమ్మరంగా డ్రంక్ అండ్ డ్రైవ్ తనిఖీలు చేపట్టారు. బ్రీత్ అనలైజర్ల ద్వారా వాహనదారులను పరీక్షించి, మద్యం సేవించిన వారిపై కేసులు నమోదు చేశారు. మద్యం తాగి వాహనాలు నడిపితే జైలేనని హెచ్చరించారు. ప్రాణాలు పణంగా పెట్టి మద్యం మత్తులో వాహనాలు నడపవద్దని, ట్రాఫిక్ నిబంధనలు పాటించి సురక్షితంగా ప్రయాణించాలని సూచించారు.
News February 8, 2026
నల్లగొండ: మున్సిపల్ ఎన్నికలు.. 11న స్థానిక సెలవు!
నల్లగొండ జిల్లాలో ఈనెల 11న మున్సిపల్ ఎన్నికల దృష్ట్యా కలెక్టర్ చంద్రశేఖర్ స్థానిక సెలవు ప్రకటించారు. నల్లగొండ కార్పొరేషన్ సహా జిల్లాలోని మిర్యాలగూడ, హాలియా, చండూరు, చిట్యాల పురపాలక సంఘాల పరిధిలోని ప్రభుత్వ కార్యాలయాలకు ఈ సెలవు వర్తిస్తుంది. ప్రైవేటు సంస్థలు, పరిశ్రమల్లో పనిచేసే కార్మికులకు కూడా వేతనంతో కూడిన సెలవు ఇవ్వాలని ఆదేశించారు. ఓటర్లందరూ ఓటు హక్కును వినియోగించుకోవాలని కలెక్టర్ కోరారు.
News February 8, 2026
సిద్దిపేట: ఓటర్లకు కల్పించే సౌకర్యాలపై సీపీ ఆరా
మున్సిపాలిటీ ఎన్నికల నేపథ్యంలో సిద్దిపేట సీపీ రష్మీ పెరుమాళ్ గజ్వేల్, హుస్నాబాద్ పట్టణాల్లో ఎన్నికల ఏర్పాట్లను సమీక్షించారు. పోలింగ్ కేంద్రాలను సందర్శించి భద్రత, ఓటర్లకు కల్పించే సౌకర్యాలపై ఆరా తీశారు. సమస్యాత్మక కేంద్రాల్లో అదనపు బలగాలు, సీసీ కెమెరాల ద్వారా నిఘా పెంచాలని, సామగ్రి పంపిణీ కేంద్రాలు, స్ట్రాంగ్ రూమ్ల భద్రతను పరిశీలించారు. ఎన్నికల కోడ్ అమలును కట్టుదిట్టంగా పర్యవేక్షించాలని సూచించారు.