News April 13, 2026

ఖమ్మం: మాతృ-శిశు మరణాల తగ్గింపుపై కలెక్టర్ ఆదేశాలు

ఖమ్మం జిల్లాలో మాతృ-శిశు మరణాలను సున్నాకు తగ్గించాలని కలెక్టర్ అనుదీప్ దురిశెట్టి అధికారులను ఆదేశించారు. సోమవారం జరిగిన సమీక్షలో పీహెచ్‌సీల వారీగా హై రిస్క్ గర్భిణీలను గుర్తించి పర్యవేక్షించాలని సూచించారు. సురక్షిత ప్రసవాలపై అవగాహన కల్పించాలని, అన్ని విభాగాలు సమన్వయంతో పనిచేసి లక్ష్యాన్ని సాధించాలని స్పష్టం చేశారు. అలాగే పాఠశాలల్లో పోక్సో చట్టంపై అవగాహన పెంచాలని కలెక్టర్ పేర్కొన్నారు.