News February 19, 2025
ఖమ్మం: ‘యువతిని పెళ్లి చేసుకుంటానని మోసం చేశాడు’
ఖమ్మం జిల్లా పువ్వాడ ఉదయ్ నగర్ కాలనీకి చెందిన యువతిని అదే కాలనీకి చెందిన సంగాల నరసింహారావు పెళ్లి చేసుకుంటానని చెప్పి మోసం చేశాడని వీరనారీమణుల ఆశయ సాధన సమితి సభ్యులు ఆరోపించారు. రఘునాథపాలెంలో సమితి జిల్లా అధ్యక్షురాలు భూక్య ఉపేంద్రబాయి, జిల్లా కార్యదర్శి స్పందనను బాధితురాలు మంగళవారం కలిసింది. ఈ మేరకు ఉపేంద్రబాయి మాట్లాడుతూ.. పోలీసులు స్పందించి బాధితురాలికి న్యాయం చేయాలని డిమాండ్ చేశారు.
Similar News
News March 12, 2025
ఖమ్మం: నిరుద్యోగులకు డిప్యూటీ సీఎం భట్టి GOOD NEWS
తెలంగాణ నిరుద్యోగ యువత ఉపాధి కోసం రాజీవ్ యువ వికాసం పథకం ప్రవేశపెడుతున్నట్లు డిప్యూటీ సీఎం భట్టి విక్రమార్క వెల్లడించారు. ఈ పథకం కింద సంక్షేమశాఖ, SC, ST, BC, మైనార్టీ కార్పొరేషన్ల ద్వారా నిరుద్యోగ యువతకు రూ.3 లక్షల నుంచి రూ.5 లక్షల వరకు సాయం చేస్తామని తెలిపారు. మార్చి 15 నుంచి ఏప్రిల్ 5 వరకు ఈ పథకం కోసం దరఖాస్తులు స్వీకరిస్తామన్నారు. రూ.6వేల కోట్లతో ఈ పథకం రూపొందించామని డిప్యూటీ సీఎం చెప్పారు.
News March 12, 2025
ఖమ్మం: ఇంటర్ వార్షిక పరీక్షల మూల్యాంకనం
ఇంటర్మీడియట్ వార్షిక పరీక్షల మూల్యాంకనం నగరంలోని నయాబజార్ జూనియర్ కళాశాలలో చురుగ్గా సాగుతోంది.మొదటి రోజు మొత్తం 24 మంది అధ్యాపకులకు 15 మంది హాజరై ఒక్కొక్కరు 30 పేపర్ల చొప్పున 450 సంస్కృతం సంస్కృతం మూల్యాంకనం నిర్వహించారు. మంగళవారం 24 మంది అధ్యాపకులకు 19 మంది హాజరై ఒక్కొ క్కరు 30 పేపర్ల చొప్పున 570 పేపర్లను మూల్యాంకనం చేయగా మొత్తం 1,020 జవాబు పత్రాల మూల్యాంకనం పూర్తయినట్లు డీఐఈవో రవిబాబు తెలిపారు.
News March 12, 2025
ఖమ్మం: పసుపు రైతుల సమస్యలపై మంత్రి సమీక్ష
పసుపు రైతుల సమస్యపై వ్యవసాయ శాఖ మంత్రి తుమ్మల నాగేశ్వరరావు ఆరా తీశారు. రాష్ట్రంలో పసుపు రైతుల సమస్యలు దృష్టికి రావడంతో మార్కెటింగ్ శాఖ డైరెక్టర్ సురేంద్రమోహన్, జిల్లా అధికారులతో మాట్లాడారు. పసుపు రైతాంగం ఎదుర్కొంటున్న సమస్యలపై పూర్తి స్థాయి నివేదిక సమర్పించాలన్నారు. అలాగే రైతులు నష్టపోకుండా గరిష్ఠ ధర వచ్చే విధంగా తగిన చర్యలు తీసుకోవాలని ఆదేశాలు జారీ చేశారు.