News July 5, 2025

గంజాయిని రూపుమాపేందుకు కృషి: సూర్యాపేట ఎస్పీ

గంజాయిని రూపుమాపేందుకు పోలీస్ శాఖ కృషి చేస్తోందని SRPT జిల్లా SP నరసింహ అన్నారు. శనివారం కోదాడ మండలం దొరకుంట శివారులో గంజాయిని విక్రయిస్తూ పోలీసులకు చిక్కిన నిందితులు అడప రాకేశ్, వనపర్తి సాయిలును మీడియా ముందు ప్రవేశపెట్టి మాట్లాడారు. వీరి వద్ద నుంచి రూ.2.8 లక్షల విలువైన 10 కేజీల గంజాయిని స్వాధీనం చేసుకున్నామని చెప్పారు. నిందితులను పట్టుకున్న సీఐ రజిత రెడ్డి, రూరల్ పోలీసులను SP అభినందించారు.