News January 29, 2025
గంజాయి కేసులో కోట్ల విలువైన ఆస్తులు సీజ్: SP
శృంగవరపుకోట పోలీస్ స్టేషన్ పరిధిలో నమోదైన గంజాయి కేసులో అరెస్ట్ అయిన శెట్టి ఉమామహేశ్వరరావు కు చెందిన ఆస్తులను సీజ్ చేసినట్లు ఎస్పీ వకుల్ జిందాల్ మంగళవారం తెలిపారు. విశాఖలో నివాసం ఉంటున్న నిందితుడు 222 కిలోల గంజాయిని తరలిస్తుండగా బొడ్డవర చెక్ పోస్ట్ వద్ద పట్టుబడ్డాడన్నారు. గంజాయి వ్యాపారంలో సంపాదించిన రూ.1.97 కోట్ల ఆస్తులను గుర్తించి ఫ్రీజ్ చేశామన్నారు. ఇప్పటికే నోటీసులు కూడా అందజేశామన్నారు.
Similar News
News January 30, 2025
విజయనగరం: మహిళ దారుణ హత్య
విజయనగరం జిల్లా మహిళను కట్టుకున్న భర్తే కడతేర్చాడు. కొత్తవలస మండలానికి చెందిన వరలక్ష్మి (38)కి అనకాపల్లి జిల్లా దేవరాపల్లి మండలం ముసిడిపల్లి చెందిన నారాయణమూర్తి (43)తో 20 ఏళ్ల క్రితం పెళ్లి అయ్యింది. మద్యం మత్తులో ఉన్న భర్త మంగళవారం రాత్రి మంచంపై నిద్రిస్తున్న భార్య మెడకు నైలాన్ తాడును బిగించి చంపేశాడు. మృతురాలి అన్నయ్య ఫిర్యాదు మేరకు CI పైడపునాయుడు బుధవారం కేసు నమోదుచేశారు.
News January 30, 2025
VZM: జిల్లాలో అమల్లోకి వచ్చిన ఉపాధ్యాయ MLC ఎన్నికల కోడ్
జిల్లా వ్యాప్తంగా బుధవారం నుంచి ఎమ్మెల్సీ ఎన్నికల కోడ్ అమల్లోకి వచ్చిందని జిల్లా ఎన్నికల అధికారి అంబేడ్కర్ తెలిపారు. ఫిబ్రవరి 3న పబ్లిక్ నోటీస్ జారీ చేస్తామని, 10న నామినేషన్ వేసేందుకు ఆఖరి తేదీగా తెలిపారు. 11న నామినేషన్ల పరిశీలన చేస్తామని, నామినేషన్ల ఉప సంహారణకు 13 చివరి తేదీ అని చెప్పారు. 27న ఉదయం 8 గంటల నుంచి సాయంత్రం 4 వరుకు పోలింగ్ జరుగుతుందన్నారు. మార్చి 3న ఓట్ల లెక్కింపు ఉంటుందన్నారు.
News January 30, 2025
VZM: అధికారులపై కలెక్టర్ తీవ్ర ఆగ్రహం
పంచాయితీరాజ్ ఇంజ‌నీర్లు, ఉపాధిహామీ ఏపిఎంలు, APDలు త‌మ ప‌నితీరును మెరుగుప‌ర్చుకోక‌పోతే స‌స్పెష‌న్ వేటు వేస్తామ‌ని కలెక్టర్ డాక్ట‌ర్ అంబేడ్కర్ హెచ్చ‌రించారు. క‌లెక్ట‌రేట్‌లో బుధవారం నిర్వహించిన స‌మీక్షలో ఆయన ఈ వ్యాఖ్యలు చేశారు. ఇన్నాళ్లు హెచ్చిరిక‌ల‌కే ప‌రిమితం అయ్యామ‌ని, ఇక‌నుంచి చ‌ర్య‌లు మొద‌లు పెడుతున్నామ‌ని ప్ర‌క‌టించారు.