News November 1, 2025
గంజాయి కేసులో నిందితుడికి 10 ఏళ్ల జైలు శిక్ష: SP
గంజాయి రవాణా కేసులో ఓ వ్యక్తికి పదేళ్ల కఠిన కారాగార శిక్షతో పాటు రూ.లక్ష జరిమానా విధిస్తూ చోడవరం అదనపు జిల్లా సెషన్స్ కోర్టు శుక్రవారం తీర్పు చెప్పినట్లు ఎస్పీ తుహీన్ సిన్హా తెలిపారు. 2021 సెప్టెంబర్ 21న 620 కిలోల గంజాయి రవాణా చేస్తుండగా అనంతగిరిలో మధ్యప్రదేశ్‌కు చెందిన రణసింగ్‌ను పట్టుకున్నట్లు చెప్పారు. పోలీసులు కేసు నమోదు చేసి ఛార్జ్‌షీట్ దాఖలు చేయగా నేరం రుజువైందన్నారు.
Similar News
News November 2, 2025
KNR: ‘రివిజన్ ప్రక్రియను సమర్ధవంతంగా చేపట్టాలి’
స్పెషల్ ఇంటెన్సివ్ రివిజన్ ప్రక్రియను సమర్థవంతంగా చేపట్టాలని రాష్ట్ర ముఖ్య ఎన్నికల అధికారి (సీఈఓ) సుదర్శన్ రెడ్డి ఆదేశించారు. శనివారం హైదరాబాద్ నుంచి అదనపు సీఈఓ లోకేశ్ కుమార్, ఇతర అధికారులతో కలిసి ఆయన వీడియో కాన్ఫరెన్స్ ద్వారా అన్ని జిల్లాల కలెక్టర్లు, ఎన్నికల అధికారులు, ఈఆర్‌వోలతో రివిజన్ పురోగతిపై సమీక్షించారు. ఈ సమావేశంలో జిల్లా ఎన్నికల అధికారి, కలెక్టర్ పాల్గొన్నారు.
News November 2, 2025
భీమేశ్వర స్వామి ఆలయంలో దీపోత్సవం
కార్తీక మాస పర్వదినాలను పురస్కరించుకుని వేములవాడ శ్రీ భీమేశ్వర స్వామి దేవస్థానంలో కార్తీక దీపోత్సవం శనివారం ఘనంగా ప్రారంభమైంది. 11వ రోజు వేడుకలో భాగంగా ఆలయ ప్రాంగణంలో జ్యోతి ప్రజ్వలన చేశారు. ఏఈవోలు శ్రావణ్ కుమార్, అశోక్ కుమార్ ఆధ్వర్యంలో సేవా సమితి సభ్యులు భక్తి గీతాలు, భజనలతో భక్తులను ఎంతగానో అలరించారు.
News November 2, 2025
ఈ నెల 5న బీవర్ సూపర్ మూన్
ఎన్నో రహస్యాలకు నెలవైన నింగికి చందమామే అందం. ఆ చంద్రుడు ఈ నెల 5న మరింత పెద్దగా, కాంతిమంతంగా కనివిందు చేయనున్నాడు. ఇది ఈ ఏడాదిలోనే బీవర్ సూపర్ మూన్‌గా నిలవనుందని సైంటిస్టులు చెబుతున్నారు. ఆ రోజున జాబిలి భూమికి 356,980KM దగ్గరకు వస్తుందని పేర్కొంటున్నారు. దీన్ని చూడటానికి ఎలాంటి పరికరాలు అవసరం లేదంటున్నారు. కాగా డిసెంబర్‌లోనూ ఓ కోల్డ్ మూన్ అలరించనుంది.