News September 6, 2025
గణేశ్ నిమజ్జన బందోబస్తుపై పోలీసులకు సూచనలు
HYDలో గణేవ్ నిమజ్జన ఏర్పాట్లలో భాగంగా గోషామహల్ ఏసీపీ సుధర్షన్, ఇన్‌స్పెక్టర్ శ్రీనివాసులు రోల్‌కాల్ నిర్వహించారు. నిమజ్జన బందోబస్తు విధుల్లో పాల్గొననున్న పోలీసు సిబ్బందికి అధికారులు స్పష్టమైన సూచనలు అందజేశారు. భక్తుల రాకపోకలకు ఎలాంటి ఆటంకం కలగకుండా, శాంతి భద్రతల మధ్య నిమజ్జన కార్యక్రమం సజావుగా జరిగేలా చర్యలు తీసుకోవాలని ఆదేశించారు.
Similar News
News September 6, 2025
గణేశ్ మహా నిమజ్జనానికి GHMC అన్ని ఏర్పాట్లు
గ్రేటర్ HYDలో నేడు గణేశ్ మహా నిమజ్జనం జరుగనుంది. నిమజ్జనం సజావుగా సాగేందుకు GHMC అన్ని ఏర్పాట్లు పూర్తి చేసింది. పోలీస్‌, ఇతర శాఖలతో సమన్వయం చేస్తూ కార్యక్రమం సాఫీగా జరగడానికి చర్యలు తీసుకుంది. స్వచ్ఛతకు ప్రాధాన్యం ఇస్తూ 15వేల మంది సిబ్బందితో 24×7 పారిశుద్ధ్య కార్యక్రమాలు చేపడుతోంది. నగర వ్యాప్తంగా శోభాయాత్రలను మేయర్ విజయలక్ష్మి, కమిషనర్ ఆర్వీ కర్ణన్ నిమజ్జనాన్ని మానిటర్ చేస్తున్నారు.
News September 6, 2025
ఖైరతాబాద్ గణపతికి శోభయాత్ర రూట్ మ్యాప్
ఖైరతాబాద్ మహా గణపతికి కమిటీ సభ్యుడు రాజ్‌కుమార్ కలశ పూజ చేశారు. కొద్దిసేపట్లో మహా గణపతి గంగమ్మఒడికి బయలుదేరనున్నారు. ఈ శోభాయాత్ర టెలిఫోన్‌ భవన్‌, సచివాలయం మీదుగా ట్యాంక్ బండ్‌ వరకు చేరుకోనుంది. బడా గణేశ్ – సైఫాబాద్ ఓల్డ్ పీఎస్- ఇక్బాల్ మినార్- తెలుగుతల్లి ఫ్లైఓవర్- అంబేడ్కర్ విగ్రహం నుంచి ట్యాంక్ బండ్‌కు చేరుకోనుంది. భక్తులు పెద్ద సంఖ్యలో హుస్సేన్ సాగర్‌కు తరలివస్తున్నారు.
News September 6, 2025
వెస్ట్- ఈస్ట్ క్రాసింగ్ బషీర్‌బాగ్ జంక్షన్‌లో మాత్రమే అనుమతి
HYDలో గణేశ్ నిమజ్జన శోభాయాత్ర సందర్భంగా ట్రాఫిక్ పోలీసులు విస్తృత డైవర్షన్లు అమలు చేశారు. ప్రధాన రూట్లు బారికేడ్లతో మూసివేయగా, వెస్ట్- ఈస్ట్ క్రాసింగ్ బషీర్‌బాగ్ జంక్షన్‌లో మాత్రమే వాహనాలకు అనుమతించారు. కేశవగిరి, చాంద్రాయణగుట్ట, చార్మినార్, అఫ్జల్‌గంజ్, కోటి, లిబర్టీ, ట్యాంక్‌బండ్, రాణీగంజ్ వంటి ప్రాంతాల్లో కీలక మార్గమార్పులు అమలులో ఉంటాయి. పౌరులు IRR, ORR వినియోగించాలని పోలీసులు సూచించారు.