News February 13, 2026
గద్వాల్: 4 సార్లు రీకౌంటింగ్.. ఆ తర్వాత ఆమెనే గెలిచింది
గద్వాల్ మున్సిపాలిటీ 8వ వార్డు ఎన్నికల కౌంటింగ్ హై-వోల్టేజ్ డ్రామాను తలపించింది. క్షణక్షణానికి ఫలితం మారుతూ అభ్యర్థులను ఉక్కిరిబిక్కిరి చేసింది. 4సార్లు లెక్కించిన తర్వాతే అధికారులు విజేతను ధ్రువీకరించారు. కేవలం ఒక్క ఓటుతో గెలవడం గద్వాల మున్సిపల్ చరిత్రలో చర్చనీయాంశంగా మారింది. సమీప అభ్యర్థిపై కాంగ్రెస్ అభ్యర్థి వెంకటమ్మ ఒక్క ఓటు తేడాతో విజయం సాధించటంతో కాంగ్రెస్ శ్రేణుల్లో ఉత్సవం నెలకొంది.
Similar News
News February 13, 2026
‘వారణాసి’ జానర్పై క్లారిటీ
వారణాసి సినిమా జానర్పై ఆసక్తికరమైన చర్చ జరుగుతున్న నేపథ్యంలో డైరెక్టర్ రాజమౌళి క్లారిటీ ఇచ్చారు. ఈ మూవీ సైన్స్ ఫిక్షన్ కాదని.. మైథలాజికల్ ఫాంటసీ అని ఓ ఇంటర్వ్యూలో వెల్లడించారు. సినిమా రన్టైమ్ 3 గంటలకు కాస్త తక్కువ ఉంటుందని తెలిపారు. ఇప్పటికే సగం షూటింగ్ పూర్తయిందని.. మిగిలిన దాన్ని జూన్ 2026 కల్లా కంప్లీట్ చేస్తామన్నారు. తర్వాత పోస్ట్ ప్రొడక్షన్, VFX వర్క్పై ఫోకస్ పెడతామని పేర్కొన్నారు.
News February 13, 2026
పిచ్చి తుగ్లక్లు చాలా మంది ఉంటారు: KTR
TG: <<19122392>>నేనే రాజు నేనే మంత్రి<<>> అనుకున్న చాలా మంది గాలికి కొట్టుకుపోయారని, ఎవరూ శాశ్వతం కాదని KTR విమర్శించారు. పిచ్చి తుగ్లక్లు చాలామంది ఉంటారని ఎద్దేవా చేశారు. ‘ఇందిర, NTR, KCR లాంటి నాయకులే ఓడిపోయారు. రేవంత్ రెడ్డిలా విర్రవీగిన వాళ్లు వచ్చారు, పోయారు. ప్రజల చైతన్యం అలానే ఉంది’ అని తెలిపారు. క్యాతన్పల్లి మున్సిపాలిటీని CPIతో కలిసి గెలుచుకున్నామని, కొత్తగూడెంలో ఆ పార్టీకి మద్దతిస్తామని చెప్పారు.
News February 13, 2026
1,782 మంది సిబ్బందితో బందోబస్తు: నంద్యాల ఎస్పీ
శ్రీశైలం క్షేత్రంలో 1,782 మంది సిబ్బందితో బ్రహ్మోత్సవాల ప్రత్యేక బందోబస్తు నిర్వహిస్తున్నట్లు ఎస్పీ సునీల్ షోరాన్ తెలిపారు. నంద్యాలలో ఏఎస్పీ, డీఎస్పీలతో శుక్రవారం సమావేశం నిర్వహించారు. ఏఎస్పీలు 11 మంది, డీఎస్పీలు 24, సీఐలు 78, ఎస్సైలు 132, ఏఎస్ఐ-హెచ్సీలు 303, పీసీలు 568, ఉమెన్ పీసీలు 88, హోంగార్డులు 386, ఉమెన్ హోంగార్డ్స్ 30 మందితో పాటు ఏఆర్ పోలీసులతో బందోబస్తు నిర్వహిస్తున్నామని వెల్లడించారు.