News October 15, 2025

గద్వాల: ‘విద్యార్థులకు అర్థమయ్యేలా బోధించాలి’

విద్యార్థులకు అర్థమయ్యే విధంగా పాఠ్యాంశాలు బోధించాలని గద్వాల కలెక్టర్ సంతోష్ పేర్కొన్నారు. బుధవారం బురదపేట ప్రభుత్వ ఉన్నత పాఠశాలను ఆకస్మికంగా తనిఖీ చేశారు. పదో తరగతి విద్యార్థులతో పాఠాలు చదివించారు. ప్రతిరోజు విద్యార్థులకు ప్రత్యేక తరగతులు నిర్వహించాలని, ఆ తరగతులను విద్యార్థులు సద్వినియోగం చేసుకోవాలని సూచించారు. ఈ ఏడాది పదో తరగతి ఫలితాల్లో గద్వాల జిల్లా ప్రథమ స్థానంలో నిలవాలని ఆకాంక్షించారు.