News April 25, 2024
గరివిడిలో ఆవుకు వింత దూడ జననం
గుర్ల మండలం గొలగం గ్రామానికి చెందిన కలిశెట్టి మురళి ఆవు ప్రసవానికి ఇబ్బంది పడుతుండటంతో, బుధవారం గరివిడి స్థానిక పశువైద్య కళాశాలకు తీసుకొని వెళ్లాడు. కళాశాలలోని సహా ఆచార్యులు ఆవును పరీక్షించి, ఆపరేషన్ చేశారు. ఆడ దూడ 2 తలలు, 2 తోకలు, 4 వెనక కాళ్లు, 2 ముందర కాళ్లు, 3 నాలుకలతో ఉంది. పుట్టిన వెంటనే మరణించింది. జన్యుపరమైన లోపాలతో అరుదుగా ఇలాంటి దూడలు పుడుతుంటాయని
కళాశాల వైద్యులు తెలిపారు.
Similar News
News November 20, 2024
VZM: ‘ప్రతి ఇంటికి మరుగుదొడ్డి తప్పనిసరి’
మరుగుదొడ్డి అనేది ఆత్మ గౌరవానికి చిహ్నమని, ప్రతి ఇంటికి మరుగుదొడ్డి తప్పనిసరిగా ఉండాలని, లేని వారికీ వెంటనే మంజూరు చేయడం జరుగుతుందని కలెక్టర్ అంబేడ్కర్ తెలిపారు. ప్రపంచ మరుగుదొడ్ల దినోత్సవంలో భాగంగా కలెక్టరేట్‌లో జరిగిన కార్యక్రమంలో ఆయన ముఖ్య అతిథిగా హాజరయ్యారు. జిల్లా అంతటా ఆరోగ్యకరమైన వాతావరణాన్ని ఏర్పాటు చేయడంలో ప్రతి ఒక్కరూ సహకరించాలని కోరారు.
News November 19, 2024
VZM: ‘సైబర్ నేరాల నియంత్రణలో బ్యాంకు అధికారులు బాధ్యత వహించాలి’
జిల్లాలో నమోదవుతున్న సైబరు మోసాల నియంత్రణకు బ్యాంకు అధికారులు కూడా బాధ్యత వహించాలని, సైబరు కేసులను దర్యాప్తు చేసే పోలీసు అధికారులకు తమ సహాయ, సహకారాలను అందించాలని జిల్లా ఎస్పీ వకుల్ జిందాల్ అన్నారు. మంగళవారం తన కార్యాలయంలో సమీక్ష నిర్వహించారు. కొత్తగా బ్యాంకు ఖాతాను ప్రారంభించే సమయంలో వారి గుర్తింపు కార్డులను పూర్తిగా వెరిఫై చేసిన తరువాతనే బ్యాంకు ఖాతా ప్రారంభమయ్యే విధంగా చూడాలన్నారు.
News November 19, 2024
VZM: ‘నెలలు నిండకుండా పుట్టిన పిల్ల‌ల‌కు కంటి పరీక్షలు చేయించాలి’
నెలలు నిండకుండా పుట్టిన పిల్ల‌ల్లో దృష్టిలోపాలు వచ్చే అవకాశాలు ఉంటాయని అందువల్ల అటువంటి వారికి కంటి పరీక్షలు చేయించడంలో తల్లిదండ్రులు శ్రద్ధ చూపాలని కలెక్టర్ అంబేడ్కర్ సూచించారు. ప్రపంచ ప్రి మెచ్యూరిటీ డే నడకను కలెక్టరేట్ వద్ద మంగళవారం ప్రారంభించారు. దేశంలో ప్రతి ఏటా 3.6 మిలియ‌న్ల పిల్ల‌లు నెలలు నిండకుండా పుడుతున్నార‌ని, వారికి కంటి పరీక్షలు తప్పనిసరన్నారు.