News November 23, 2024
గార్లదిన్నె: రోడ్డు ప్రమాద ఘటనా స్థలాన్ని పరిశీలించిన ఎస్పీ
గార్లదిన్నె మండలం తలగాసిపల్లి గ్రామ సమీపంలోని జాతీయ రహదారిపై జరిగిన రోడ్డు ప్రమాద ఘటనా స్థలాన్ని జిల్లా ఎస్పీ పి.జగదీష్ పరిశీలించారు. ఈ ప్రమాద ఘటనలో మొత్తం నలుగురు చనిపోయారు. కూలి పనుల కోసం వెళ్లి తిరుగు ప్రయాణంలో కూలీలతో వెళ్తున్న ఆటోను ఆర్టీసీ బస్సు ఢీకొనడంతో రోడ్డు ప్రమాదం జరిగింది. ఈ ఘటనపై జిల్లా ఎస్పీ దిగ్భ్రాంతి వ్యక్తం చేశారు.
Similar News
News November 23, 2024
ATP: ఘోరం.. ఒకే ఊరిలో ఏడుగురి మృతి
అనంతపురం జిల్లాలో మధ్యాహ్నం జరిగిన <<14686395>>ఘోర రోడ్డు ప్రమాదం<<>> ఓ ఊరినే విషాదంలోకి నెట్టేసింది. ఈ ఘటనలో పుట్లూరు(M) ఎల్లుట్ల గ్రామానికి చెందిన ఏడుగురు చనిపోయారు. మృతులు డి.నాగమ్మ, బి.నాగమ్మ, బి.నాగన్న, రామాంజినమ్మ, బాల పెద్దయ్య, కొండమ్మ, జయరాముడిగా గుర్తించారు. కాగా ఇందులో నాగమ్మ, నాగన్న భార్యాభర్తలు. అరటికాయల కూలీ పనులకు ఆటోలో వెళ్తుండగా బస్సు ఢీకొని వీరంతా చనిపోయారు.
News November 23, 2024
వచ్చే ఏడాది పుట్టపర్తిలో రుద్ర మహా యాగం
ఆధ్యాత్మిక కేంద్రమైన పుట్టపర్తిలో వచ్చే ఏడాది ఫిబ్రవరిలో అతి పెద్ద రుద్ర మహా యాగం నిర్వహిస్తున్నట్లు శ్రీసత్యసాయి సేవా సంస్థల అధ్యక్షుడు నిమిష్ పాండే పేర్కొన్నారు. ప్రపంచ శాంతి కోసం పుట్టపర్తిలో యోగం చేస్తున్నామని చెప్పారు. దేశంలోని అన్ని దేవాలయాల నుంచి ప్రముఖ పండితులు తరలి వచ్చి ఈ యాగంలో పాల్గొంటారన్నారు.
News November 23, 2024
SKU బ్యాడ్మింటన్ జట్టు ఇదే..!
శ్రీకృష్ణదేవరాయ యూనివర్సిటీ అంతర కళాశాలల బ్యాడ్మింటన్ జట్టు ప్రకటించారు. ఇందులో జాహ్నవి(వాణి డిగ్రీ కళాశాల), తన్మయి (SSGS డిగ్రీ కళాశాల గుంతకల్), సమీరా (SSBN డిగ్రీ కళాశాల) ఉన్నారు. ఈ జట్టు సౌత్ జోన్ ఇంటర్ యూనివర్సిటీ, జట్లతో తలపడనుంది. విశ్వేశ్వరయ్య యూనివర్సిటీ బెల్గావ్ యూనివర్సిటీ లో 26 నుంచి 28 వరకు పోటీలు జరగుతాయని రిజిస్టార్ రమేశ్ బాబు తెలిపారు.