News August 13, 2025
గుంటూరు జిల్లాలో వర్షపాతం వివరాలు
గుంటూరు జిల్లాలో గత 24 గంటల్లో భారీ వర్షాలు కురిశాయి. ఆగస్టు 12 ఉదయం 8:30 నుంచి 13 ఉదయం 8:30 వరకు అత్యధికంగా పొన్నూరులో 203.5 మి.మీ, దుగ్గిరాలలో 189.5 మి.మీ, తుళ్లూరులో 167.0 మి.మీ వర్షపాతం నమోదైంది. గుంటూరు వెస్ట్ 158, ఈస్ట్ మి.మీ, పెదకాకాని 156.5, తెనాలిలో 143.75, మంగళగిరిలో 138.0, కాకుమాను 108.0, ఫిరంగిపురం 94.25, కొల్లిపర 92.5, ప్రత్తిపాడులో 63.0మి.మీ వరకు నమోదైంది.
Similar News
News August 30, 2025
గుంటూరు జిల్లా బార్లకు వేలంపాట
గుంటూరు కలెక్టర్ కార్యాలయంలో ఎక్సైజ్ అధికారుల ఆధ్వర్యంలో శనివారం బార్లకు వేలంపాట నిర్వహించారు. గుంటూరు జిల్లా వ్యాప్తంగా మొత్తం 42 బార్లకు దరఖాస్తులు అందాయని, 10 కల్లుగీత కార్మికులకు దరఖాస్తులు వచ్చాయని ఎక్సైజ్ డిప్యూటీ కమిషనర్ శ్రీనివాసులు తెలిపారు. ఎక్సైజ్ డిపార్ట్మెంట్ తెలిపిన సమాచారం ప్రకారం.. వేలంలో సుమారు 200 మంది పాల్గొన్నారు.
News August 30, 2025
గుంటూరు: MBA, MCA ప్రవేశాల షెడ్యూల్‌ రిలీజ్‌
ANUలో 2025విద్యా సంవత్సరానికి MBA, MCA ప్రవేశాల షెడ్యూల్‌ విడుదలైంది. MBAకి ఏదైనా డిగ్రీతో పాటు ఇంటర్‌లో మ్యాథ్స్‌ తప్పనిసరి. ఫైనాన్స్‌, మార్కెటింగ్‌, హెచ్‌ఆర్‌, బ్యాంకింగ్‌, హాస్పిటల్‌ అడ్మినిస్ట్రేషన్‌, టూరిజం, బిజినెస్‌ ఎనాలిటిక్స్‌, ఇంటర్నేషనల్‌ బిజినెస్‌ మేనేజ్మెంట్‌ వంటి 8 స్పెషలైజేషన్‌లలో రెండింటిని మాత్రమే ఎంచుకోవాలి. MCAకి మ్యాథ్స్‌ అర్హత తప్పనిసరి. ప్రవేశ పరీక్ష సెప్టెంబర్ 21న ఉంటుంది.
News August 30, 2025
గుంటూరు యువకుడికి బంగారు పతకాలు
కజకిస్థాన్‌లో జరిగిన ఆసియా షూటింగ్ ఛాంపియన్‌షిప్‌లో గుంటూరు యువకుడు నేలవల్లి ముఖేష్ సత్తా చాటాడు. జూనియర్ విభాగంలో భారత్‌కు ప్రాతినిధ్యం వహించిన ముఖేష్, 3 టీమ్ విభాగాల్లో బంగారు పతకాలు, ఒక వ్యక్తిగత కాంస్య పతకం సాధించాడు. అతని అద్భుత ప్రదర్శనతో భారత్ పతకాల పట్టికలో మెరుగైన స్థానాన్ని పొందింది.