News August 29, 2025

గుంటూరు వైద్య కళాశాలలో రికార్డు

గుంటూరు వైద్య కళాశాల గురువారం రికార్డు నెలకొల్పింది. ఒకేరోజు 121 మంది విద్యార్థులకు MBBS కోర్సులో ప్రవేశాలు ఇవ్వడంతో పాటు వారందరికీ నిన్న సాయంత్రం 4 గంటలకే అడ్మిషన్ కార్డులు అందజేశారు. తొలుత వచ్చిన 50 మందికి 12 గంటలకే అడ్మిషన్లు పూర్తి చేశారు. వినాయక చవితి సెలవు అయినప్పటికీ వచ్చిన ఏడుగురికి బుధవారమే అడ్మిషన్ ఇవ్వగా. ఇప్పటివరకు మొత్తం 195 మంది కళాశాలలో చేరారు. కాగా ఇంకా 16 మంది చేరాల్సి ఉంది.