News January 20, 2025
గుంటూరు: ANU డిగ్రీ ఫలితాలు విడుదల
నాగార్జున విశ్వవిద్యాలయం సెంటర్ ఫర్ డిస్టెన్స్ ఎడ్యుకేషన్ గతేడాది అక్టోబర్, నవంబర్ నెలల్లో నిర్వహించిన డిగ్రీ కోర్సుల ఫలితాలను విడుదల చేసినట్లు దూరవిద్య పరీక్షల డిప్యూటీ రిజిస్ట్రార్ సయీద్ జైన్ లాబ్దిన్ తెలిపారు. ఫలితాలను సోమవారం వైస్ ఛాన్సలర్ గంగాధరరావు విడుదల చేశారు. ఆయన మాట్లాడుతూ.. ఫలితాలను www.anucde.info వెబ్‌సైట్‌లో పొందుపరిచామని, ఫిబ్రవరి 3లోపు రీవాల్యూవేషన్‌కు ధరఖాస్తు చేసుకోవచ్చన్నారు.
Similar News
News January 20, 2025
జెస్సీ రాజ్‌కు కలెక్టర్‌ అభినందనలు
ప్రపంచ స్కేటింగ్‌ పోటీల్లో విజయం సాధించి రాష్ట్రపతి చేతుల మీదుగా ప్రధాన మంత్రి రాష్ట్రీయ బాల పురస్కారం అందుకున్న గుంటూరు జిల్లాకి చెందిన జెస్సీరాజ్‌ను కలెక్టర్‌ నాగలక్ష్మీ అభినందించారు. సోమవారం కలెక్టరేట్‌లో జెస్సీరాజ్‌ను సన్మానించిన ఆమె, భవిష్యత్తులో మరిన్ని విజయాలను సాధించి గుంటూరు ఖ్యాతిని పెంపొందించాలని ఆకాంక్షించారు. కార్యక్రమంలో డీఎస్‌డీవో నరసింహారెడ్డి పాల్గొన్నారు.
News January 20, 2025
గుంటూరు: తల్లీబిడ్డ మృతి.. ‘ఆచూకీ తెలిస్తే ఈ నంబర్లలో తెలపండి’
గుంటూరులోని బుడంపాడు వద్ద బిడ్డతో సహా తల్లి <<15198194>>రైలు కింద పడిన<<>> ఘటన కలిచివేసింది. అభంశుభం తెలియని తెలియని ఆ చిన్నారి రైల్వే ట్రాక్‌పై విగత జీవిగా పడి ఉండటం స్థానికుల కళ్లు చెమర్చింది. ఆ తల్లికి ఏం కష్టమొచ్చిందో.. ఇంతటి కఠిన నిర్ణయం తీసుకుంది అంటూ ఆవేదన చెందారు. అయితే వీరి వివరాలు తెలియరాలేదు. ఆచూకీ తెలిసిన వారు గుంటూరు జీఆర్పీ ఎస్సై 8328018787, పోలీస్ స్టేషన్ 0863 222073 నంబర్లలో సంప్రదించాలని కోరారు.
News January 20, 2025
వేమూరులో పురుగు మందు తాగి విద్యార్థిని మృతి
పురుగు మందు తాగి విద్యార్థిని మృతి చెందిన ఘటన వేమూరు అంబేడ్కర్ నగర్‌లో చోటుచేసుకుంది. అంబేడ్కర్ నగర్‌కు చెందిన బుస్సా రాము రెండవ కుమార్తె మేఘన ఇంటర్మీడియట్ సెకండియర్ చదువుతుంది. మేఘనకు తరచు కడుపునొప్పి రావడంతో ఇంట్లో ఉన్న పురుగు మందు తాగి బుధవారం ఆత్మహత్యాయత్నానికి ప్రయత్నించింది. తల్లిదండ్రులు వైద్య చికిత్స కోసం తెనాలి వైద్యశాలకు తరలించగా ఆదివారం మృతి చెందినట్లు ఎస్ఐ రవి క్రిష్ణ తెలిపారు.