News December 28, 2024
గుండెపోటుతో MLC రామచంద్రయ్య కుమారుడి మృతి
కడప జిల్లా టీడీపీ సీనియర్ నాయకుడు, ఎమ్మెల్సీ సి.రామచంద్రయ్య కుమారుడు విష్ణు స్వరూప్ గుండెపోటుతో మృతి చెందారు. మధ్యాహ్నం గుండె పోటుకు గురికాగా హైదరాబాదులోని అపోలో ఆసుపత్రికి తరలించారు. అప్పటికే మృతి చెందినట్లు వైద్యులు ధ్రువీకరించారు. ఈ ఘటనతో రామచంద్రయ్య ఇంట్లో విషాదం నెలకొంది.
Similar News
News December 29, 2024
కడప: అప్పులకు ముచ్చటైన ఫ్యామిలీ బలి..!
వాళ్లదో చిన్న కుటుంబం. భార్యాభర్త, ఇద్దరు పిల్లలు. ఉన్నంతలో సంతోషంగా జీవితం గడిపారు. ఇటీవలే ఇంట్లో అమ్మాయికి ఫంక్షన్ కూడా చేశారు. ఫ్యామిలీ అంతా కలిసి ముచ్చటగా ఫొటో దిగారు. ఆ సంతోషం ఎక్కువ రోజులు మిగల్లేదు. అన్ని మధ్య తరగతి కుటుంబాల్లో మాదిరిగానే ఆ ఇంటిని అప్పు పలకరించింది. అది తలకు మించిన భారంగా మారి చావు ఒక్కటే మార్గమనేలా చేసింది. అంతే ఆ పెద్దకు ఏమీ తోచలేదు. అందరికీ <<14999995>>ఉరి వేసి<<>> తానూ చనిపోయాడు.
News December 29, 2024
రైతు కుటుంబం ఆత్మహత్యకు పాల్పడడం బాధాకరం: కలెక్టర్
సింహాద్రిపురం మండలం దిద్దేకుంట గ్రామంలో రైతు నాగేంద్ర కుటుంబం ఆత్మహత్యకు పాల్పడడం బాధాకరమని జిల్లా కలెక్టర్ శ్రీధర్ అన్నారు. పులివెందుల జీజీహెచ్ మార్చురీలో రైతు కుటుంబ సభ్యుల మృత దేహాలను జిల్లా కలెక్టర్ పరిశీలించి అక్కడికి వచ్చిన రైతు కుటుంబ సమీప బంధువులతో మాట్లాడారు. రైతు కుటుంబ నేపథ్యం, వ్యవసాయంలో లాభనష్టాలు, ఆత్మహత్యకు దారితీసిన ఆర్థిక ఇబ్బందులు తదితర కారణాలను అడిగి తెలుసుకున్నారు.
News December 28, 2024
11 సీట్లు వచ్చినా దాడులు చేస్తుంటే ఉపేక్షించం: పవన్
YS జగన్ తన పార్టీ వర్గాలను నియంత్రించుకోవాలని పవన్ కళ్యాణ్ అన్నారు. 11 సీట్లు వచ్చినా ఇంకా దాడులు చేస్తుంటే మేము ఉపేక్షించమన్నారు. రాయలసీమ యువత ఇలాంటివి జరిగినప్పుడు ఎదుర్కోవాలని, మేము అండగా ఉంటామని నాయకులకు సైతం పవన్ భరోసానిచ్చారు. ఈరోజు మీరు భయపడటం వలనే జవహర్ బాబుపై దాడి జరిగిందన్నారు. పోలీసులే కాదు జనం కూడా ఇలాంటి వాటిపై స్పందించాలని, ఓట్లు వేసి పనైపోయిందని అనుకోకూడదన్నారు.