News November 12, 2024
గోకవరంలో మహిళపై లైంగిక దాడికి యత్నం.. నలుగురిపై కేసు
మహిళపై అత్యాచారయత్నం చేసిన రాజమండ్రిలోని ఓ కాలేజీలో డిగ్రీ చదువుతున్న యువకులపై కేసు నమోదైంది. SI పవన్ కుమార్ కథనం..ఓ మహిళ రాజమండ్రి -గోకవరం వచ్చి అక్కడ నుంచి కృష్ణునిపాలెంకు నడుచుకుంటూ వెళ్తోంది. సమీప పెట్రోల్ బంకు వద్ద యువకుడు గమనించి, పెట్రోలు బంకులోకి లాక్కెళ్లాడు. ఆమె కేకలు వేయడంతో కొందరు రక్షించారు. యువకుడితో పాటు ముగ్గురు ఫ్రెండ్స్ పారిపోగా.. సోమవారం పట్టుకుని కోర్టుకు తరలించామని తెలిపారు.
Similar News
News November 14, 2024
ఉమ్మడి తూ.గో జిల్లాలో నేడు పెట్రోల్, డీజిల్ ధరలు ఇలా
తూర్పుగోదావరి జిల్లాలో పెట్రోల్, డీజిల్ ధరలు ఇలా ఉన్నాయి. గురువారం లీటరు పెట్రోల్ ధర రూ.109.40 ఉండగా డీజిల్ ధర రూ.96.79 ఉంది. అలాగే కాకినాడ జిల్లాలో పెట్రోల్ రూ.108.91 ఉండగా డీజిల్ రూ.96.78 గా ఉంది. బీఆర్ అంబేడ్కర్ కోనసీమ జిల్లాలో లీటరు డీజిల్ ధర రూ. 97.55 ఉండగా, పెట్రోల్ రూ.109.73 గా ఉంది.
News November 14, 2024
పెద్దాపురం: హత్యకేసులో ముద్దాయికి జీవిత ఖైదు
కల్లు గీత కత్తితో ఇద్దరిని హతమార్చిన కేసులో ముద్దాయికి బుధవారం జీవిత ఖైదు విధిస్తూ పెద్దాపురం కోర్టు తుది తీర్పు ఇచ్చినట్లు జగ్గంపేట సీఐ శ్రీనివాస్ తెలిపారు. జగ్గంపేటకు చెందిన వానశెట్టి సింహాచలం భార్యతో నైనపు శ్రీను వివాహేతర సంబంధం పెట్టుకున్నందుకు అతడిని, దానికి సహకరించిన బత్తిన భవానీని హతమార్చాడు. దీనిపై 2013లోనే కేసు నమోదైంది. ఇప్పుడు 11 సంవత్సరాల తర్వాత తుది తీర్పు వెలువడింది.
News November 13, 2024
గోకవరం: 1250 కేజీల నకిలీ టీపొడి స్వాధీనం..
గోకవరం మండలం రంపఎర్రంపాలెంలోని రైస్ మిల్లులో నకిలీ టీపొడి తయారు చేస్తున్నారనే సమాచారంతో పోలీసులు తనిఖీలు నిర్వహించారు. ఈ సోదాల్లో 31 బస్తాల్లో నిల్వ ఉన్న 1250 కేజీల నకిలీ టీపొడిని ల్యాబ్‌కు పంపించామన్నారు. వాటితోపాటు 15క్రీం మెటీరియల్ బ్యాగులను సీజ్ చేసినట్లు పోలీసులు తెలిపారు. ఇద్దరిని అదుపులోకి తీసుకున్నట్లు తెలుస్తోంది. టీపొడి నమూనాలను పరీక్షల కోసం ల్యాబ్‌కు పంపించినట్లు తెలిపారు.