News December 25, 2025

గోదావరిలో రామయ్య తెప్పోత్సవానికి హంస వాహనం సిద్ధం

భద్రాద్రి రామయ్య వైకుంఠ ఏకాదశి ఉత్సవాల్లో కీలక ఘట్టమైన తెప్పోత్సవం కోసం గోదావరి తీరంలో హంస వాహనం ముస్తాబవుతోంది. ఈ నెల 29న జరిగే జలవిహారం కోసం అధికారులు ఏర్పాట్లు ముమ్మరం చేశారు. గురువారం ఈవో దామోదర్ హంస వాహనాన్ని పరిశీలించి, భక్తులకు ఇబ్బంది కలగకుండా జాగ్రత్తలు తీసుకోవాలని సూచించారు. లక్షలాదిగా తరలివచ్చే భక్తుల కోసం బారికేడ్లు, క్యూలైన్లు సిద్ధం చేస్తున్నారు.