News October 2, 2025

గోదావరిలో వృద్ధుడు గల్లంతు

నిడదవోలు మండలం పెండ్యాలలో గురువారం గోదావరి నదిలో ఓ వ్యక్తి గల్లంతైన ఘటన చోటుచేసుకుంది. గ్రామానికి చెందిన చిరంజీవి (63) అనే వృద్ధుడు కాలకృత్యాలు తీర్చుకునేందుకు నది వద్దకు వెళ్లి ప్రమాదవశాత్తు కాలుజారి నదిలో పడి కొట్టుకుపోయారని స్థానికులు తెలిపారు. దీంతో పోలీసులు జాలర్లసాయంతో నదిలో గాలిస్తున్నారు. ఈ ఘటనపై మంత్రి కందుల దుర్గేశ్ స్పందించారు. గాలింపు చర్యలు మమ్మరం చేయాలని అధికారులను ఆదేశించారు.