News December 24, 2025
గోళ్లు పుచ్చిపోయాయా?
ఎక్కువగా నీళ్లల్లో తడవడం, పనిచేయడం వల్ల కాలి గోళ్లు పచ్చబడి, తేలికగా విరిగిపోతుంటే నెయిల్ ఫంగస్ సోకినట్లని నిపుణులు చెబుతున్నారు. ఇలా కాకుండా ఉండాలంటే హైడ్రోజన్ పెరాక్సైడ్, నీళ్లు ఒక ప్లాస్టిక్ టబ్లో కలుపుకోవాలి. ఈ నీళ్లలో పాదాలను అరగంట పాటు ఉంచాలి. ఇలా ప్రతి రోజూ క్రమం తప్పక చేయాలి. ఫంగస్ వదిలి గోళ్లు సాధారణ రంగులోకి వచ్చినా, ఈ చిట్కాను మానేయకుండా మరికొన్ని రోజుల వరకూ కొనసాగించాలి.
Similar News
News December 25, 2025
NCERT ఉద్యోగాలకు నోటిఫికేషన్ విడుదల
NCERT 173 గ్రూప్ A, B, C పోస్టుల భర్తీకి నోటిఫికేషన్ విడుదల చేసింది. అర్హతగల వారు DEC 27 – జనవరి 16 వరకు అప్లై చేసుకోవచ్చు. పోస్టును బట్టి టెన్త్, ఇంటర్ , ITI, డిప్లొమా, డిగ్రీ, PG, B.Tech, M.Tech, MBA, M.Lib.Sc, B.Lib.Sc ఉత్తీర్ణతతో పాటు పని అనుభవం ఉండాలి. రాతపరీక్ష, స్కిల్ టెస్ట్, ఇంటర్వ్యూ ద్వారా ఎంపిక చేస్తారు. వెబ్సైట్: www.ncert.nic.in *మరిన్ని ఉద్యోగాల కోసం <<-se_10012>>జాబ్స్ <<>>కేటగిరీకి వెళ్లండి.
News December 25, 2025
అధికారి ఆస్తి.. రూ.300 కోట్లు?
TG: అక్రమాస్తుల కేసులో అరెస్టయిన DTC కిషన్ <<18655630>>వ్యవహారంలో<<>> కీలక విషయాలు వెలుగులోకి వస్తున్నాయి. అతని ఆస్తి విలువ రూ.200-300 కోట్లకు పైనేనని ACB వర్గాలు వెల్లడించాయి. డ్రైవర్ శివశంకర్, బంధువు విజయ్లను బినామీలుగా పెట్టుకున్నారని, కీలక డాక్యుమెంట్లన్నీ డ్రైవర్ వద్దే దాచినట్లు అధికారులు అనుమానిస్తున్నారు. పరారీలో ఉన్న అతని కోసం గాలిస్తున్నారు. కిషన్ కస్టడీ కోరుతూ ఇవాళ కోర్టులో పిటిషన్ వేయనున్నారు.
News December 25, 2025
మిరప పంటలో బూడిద తెగులు – నివారణ
మిరప పంటలో బూడిద తెగులు ఎక్కువగా డిసెంబర్ నుంచి ఫిబ్రవరి నెలలో వస్తుంది. పొడి లాంటి తెల్లటి మచ్చలు ఆకుల కింది భాగంలో కనబడతాయి. ఆకు పైభాగంలో పసుపు రంగు మచ్చలు ఏర్పడతాయి. ఇలా రంగుమారిన ఆకులు రాలిపోవడం జరుగుతుంది. ఈ తెగులు నివారణకు Mycobutanil అనే మందు 1.5 గ్రాములను లీటరు నీటికి కలిపి పిచికారీ చేయాలి. లేదా azoxystrbin Tebucinazole 1.5ml మందును లీటరు నీటికి కలిపి పిచికారీ చేసుకోవాలి.