News July 25, 2024
చంద్రశేఖరపురం: ఆటో బోల్తా.. వ్యక్తి మృతి
ఆటో అదుపుతప్పి బోల్తాపడడంతో ఆటో డ్రైవర్ అక్కడికక్కడే మృతి చెందిన ఘటన చంద్రశేఖరపురం మండలంలోని అరివేముల గ్రామం వద్ద బుధవారం చోటు చేసుకుంది. మండలంలోని పెద్దగోగులపల్లికి చెందిన ఆటో డ్రైవర్ గుర్రం గురవయ్య (65) స్వగ్రామానికి వెళ్తుండగా అరివేముల వద్ద ఆటో బోల్తాపడడంతో మృతి చెందాడు. పోలీసులు కేసు నమోదు చేసుకుని దర్యాప్తు చేస్తున్నారు.
Similar News
News November 5, 2024
పామూరు: మద్యం మత్తులో ముగ్గురిపై కత్తితో దాడి
మద్యం మత్తులో ఓ వ్యక్తి వీరంగం సృష్టించిన ఘటన పామూరు మండలం నుచ్చుపొదలలో జరిగింది. బాధితుల వివరాల ప్రకారం.. తిరుపాల్ రెడ్డి, సురేంద్ర శనివారం మద్యం మత్తులో గొడవపడ్డారు. సురేంద్ర స్థానిక నేత రహముతుల్లా సహాయంతో తిరుపాల్ రెడ్డిని పిలిపించి పంచాయితీ పెట్టారు. ఆగ్రహంతో తిరుపాల్ రెడ్డి తన వెంట తెచ్చుకున్న కత్తితో రహముతుల్లా కుమారుడు నిజాముద్దీన్, బంధువు హజరత్, సురేంద్రలపై కత్తితో దాడి చేసినట్లు తెలిపారు.
News November 5, 2024
ప్రకాశం: నేటి నుంచి డిగ్రీ 3వ సెమిస్టర్ పరీక్షలు
ఆంధ్ర కేసరి యూనివర్శిటీ పరిధిలోని 88 డిగ్రీ కళాశాలలో చదువుతున్న మూడో సెమిస్టర్ విద్యార్థులకు నవంబర్ 5వ తేదీ నుంచి, 13వ తేదీ వరకు నిర్వహిస్తున్నట్లు యూనివర్శిటీ అడిషనల్ కంట్రోలర్ ఆఫ్ ఎగ్జామినేషన్స్ డాక్టర్ బి పద్మజ తెలిపారు. ఈ పరీక్షలకు గాను ఉమ్మడి ప్రకాశం జిల్లాలోని 88 డిగ్రీ కళాశాల నుంచి మొత్తం 6942 మంది విద్యార్థినీ విద్యార్థులు పరీక్షలకు హాజరవుతున్నట్లు తెలిపారు.
News November 4, 2024
రేపు ఉమ్మడి ప్రకాశం జిల్లా YCP సమీక్షా సమావేశాలు
ప్రకాశం జిల్లా రీజనల్ కో- ఆర్డినేటర్ కారుమూరి వెంకట నాగేశ్వరరావు, ఒంగోలు పార్లమెంట్ ఇన్‌ఛార్జ్ చెవిరెడ్డి భాస్కర్ రెడ్డి, ప్రకాశం జిల్లా వైసీపీ అధ్యక్షుడు డాక్టర్ బూచేపల్లి శివ ప్రసాద్ రెడ్డి రేపు ఉదయం మంగళవారం 10:00 గంటలకు ఒంగోలు పార్టీ ఆఫీస్‌లో ఉమ్మడి జిల్లా సమీక్ష సమావేశంలో పాల్గొంటారు. మండల పార్టీ అధ్యక్షుడు, MPPలు, ZPTCలు, మున్సిపల్ ఛైర్మన్‌లు, పార్టీ కార్యకర్తలు పాల్గొనాలని కోరారు.