News December 24, 2025
చలాన్ చెల్లించాలనే SMS వచ్చిందా?
సైబర్ నేరగాళ్లు ఫేక్ ఈ-చలాన్ SMSలు పంపుతూ దోచుకుంటున్నారు. నిన్న కూడా హైదరాబాద్కు చెందిన ఓ వ్యక్తి ఈ ఫేక్ SMSలో ఉన్న లింక్ను క్లిక్ చేసి రూ.6లక్షలు పోగొట్టుకున్నాడు. ఈ వెబ్సైట్ అఫీషియల్ పోలీస్ పోర్టల్ను పోలి ఉండటంతో అతను రూ.500 ఫైన్ చెల్లించేందుకు యత్నించాడు. ఆ సమయంలో క్రెడిట్ కార్డు నుంచి ఏకంగా రూ.6లక్షలు విత్డ్రా అయ్యాయి. SMSలో ఉన్న లింక్స్తో ఫైన్ చెల్లించవద్దని పోలీసులు సూచిస్తున్నారు.
Similar News
News December 28, 2025
కాంగ్రెస్ ఆవిర్భావ దినోత్సవం.. రేవంత్ విషెస్
TG: కాంగ్రెస్ పార్టీ నాయకులు, కార్యకర్తలకు సీఎం రేవంత్ రెడ్డి పార్టీ ఆవిర్భావ దినోత్సవ శుభాకాంక్షలు చెప్పారు. ‘భారతదేశ స్వాతంత్ర్య సంగ్రామ మహారథి. జాతి నిర్మాణ సారథి. ప్రజాస్వామ్య ఆకాంక్షల వారధి. పేదల ఆకలి తీర్చిన పెన్నిధి. 140 కోట్ల భారతీయుల ప్రతినిధి. 141 ఏళ్ల సుదీర్ఘ ప్రయాణం. కార్యకర్తల చెమట చుక్కలే సిరా చుక్కలై రాసిన చరిత్ర కాంగ్రెస్’ అని ట్వీట్ చేశారు.
News December 28, 2025
మిరపలో ఆకుముడత నివారణకు చర్యలు
మిరప నారును పొలంలో నాటిన 15 రోజుల తర్వాత ప్రతి 2 వారాలకు ఒకసారి లీటరు నీటికి థయామిథాక్సామ్ 0.3గ్రా, ఎసిటామిప్రిడ్ 0.2 గ్రా., పిప్రోనిల్ గ్రాన్యూల్స్ 0.2 గ్రా, పెగాసస్ 1.5mlలలో ఏదో ఒక మందును కలిపి పిచికారీ చేయాలి. వీటితో పాటు 10,000 ppm వేప మందును లీటరు నీటికి 2ml కలిపి స్ప్రే చేయాలి. ముడత వలన బలహీనపడ్డ మొక్కలకు లీటరు నీటికి 2 గ్రాముల ఫార్ములా- 4 మరియు 19:19:19ను నెల రోజులకు ఒకసారి స్ప్రే చేయాలి.
News December 28, 2025
పిల్లల్లో డయాబెటీస్ ముప్పు తగ్గించాలంటే
డయాబెటిస్ సమస్య ఒకప్పుడు వృద్ధుల్లో కనిపించేది. ఇప్పుడు ఇది పిల్లలను కూడా ప్రభావితం చేస్తోంది. పిల్లల్లో ఈ సమస్య రాకుండా ఉండాలంటే కొన్నిజాగ్రత్తలు తీసుకోవాలి. కుటుంబంలో ఎవరికైనా డయాబెటిస్ ఉంటే, పిల్లలకు ఎప్పటికప్పుడు వైద్య పరీక్షలు చేయించాలి. ఇంట్లో వండిన హెల్తీ ఫుడ్ పెట్టడం, ప్రతిరోజూ వ్యాయామం, స్వీట్లు, డ్రింక్స్ తగ్గించడం, ఫోన్, టీవీ స్క్రీన్ సమయాన్ని పరిమితం చేయడం వంటి జాగ్రత్తలు తీసుకోవాలి.