News January 14, 2026
చితిపై నుంచి లేచిన బామ్మ.. ఆ తర్వాత..
మహారాష్ట్ర నాగ్పూర్ జిల్లాలో వింత ఘటన జరిగింది. 103 ఏళ్ల గంగాబాయి చనిపోయిందని కుటుంబసభ్యులు భావించి.. బంధువులకు కబురు పంపారు. ముక్కులో దూది పెట్టి అంతిమ యాత్రకు సిద్ధమయ్యారు. ఇంతలో ముడివేసిన గంగాబాయి కాలి వేళ్లు కదలడాన్ని మనవడు గమనించాడు. వెంటనే దూది తీసేయగా ఆమె లోతుగా శ్వాస తీసుకుంది. అదేరోజు గంగాబాయి పుట్టినరోజు కావడం విశేషం. దీంతో వీడ్కోలుకు వచ్చినవారు హ్యాపీగా కేక్ తిని వెళ్లిపోయారు.
Similar News
News February 15, 2026
టమాటాలో కాయ తొలుచు పురుగును ఎలా నివారించాలి?
టమాటాను కాయ తొలుచు పురుగు ఆశించి తొలుత లేత ఆకులు, కొమ్మలను తిని తర్వాత కాయలను తొలిచి నాశనం చేస్తుంది. ఈ పురుగుల నివారణకు పొలంలో అక్కడక్కడ ఎర పంటగా బంతి మొక్కలను నాటాలి. ఎకరాకు 4 లింగాకర్షక బుట్టలను పెట్టాలి. నాటిన 28, 35 రోజులకు లీటరు నీటికి ఫ్లూబెండమైడ్ 0.3ml కలిపి పిచికారీ చేయాలి. పురుగు ఉద్ధృతి ఎక్కువైతే లీటరు నీటికి క్లోరాంట్రనిలిప్రోల్ 0.3ML లేదా స్పైనోసాడ్ 0.4ML కలిపి పిచికారీ చేయాలి.
News February 15, 2026
అలీగఢ్ ముస్లిం యూనివర్సిటీలో 27 పోస్టులకు నోటిఫికేషన్
అలీగఢ్ ముస్లిం యూనివర్సిటీ 27 నాన్ టీచింగ్ పోస్టుల భర్తీకి నోటిఫికేషన్ విడుదల చేసింది. అర్హతగల వారు మార్చి 4వరకు అప్లై చేసుకోవచ్చు. దరఖాస్తు హార్డ్ కాపీని మార్చి 19వరకు పంపాలి. పోస్టును బట్టి PG, PG(ఫిజికల్ ఎడ్యుకేషన్) MLSc, PhD, NET/SET/SLET, CA/CS/ICWA, BEd , MEd, మెడికల్ పీజీ అర్హతతో పాటు పని అనుభవం ఉండాలి. రాత పరీక్ష, ఇంటర్వ్యూ ద్వారా ఎంపిక చేస్తారు. సైట్: https://careers.amuonline.ac.in/
News February 15, 2026
శివరాత్రి: శివుడికి రేగు పళ్లు సమర్పిస్తున్నారా?
శివుడికి నేడు రేగు పళ్లు సమర్పిస్తే ఎంతో పుణ్యం లభిస్తుందని పండితులు చెబుతున్నారు. ‘నరనారాయణులు ఈ చెట్టు కిందే తపస్సు చేసినప్పుడు దేవతలు వారిపై రేగు పళ్లు కురిపించారు. ఆరోగ్యపరంగా వీటితో ఎన్నో లాభాలున్నాయి’ అంటున్నారు. ‘ఇందులో ఉండే విటమిన్ C, ఫైబర్ రోగనిరోధక శక్తికి, జీర్ణక్రియకు చాలా దోహదపడతాయి. ఉపవాసంలో అలసటను తగ్గిస్తాయి. రక్తహీనతను నివారించి చర్మాన్ని మెరిసేలా చేస్తాయి’ అని సూచిస్తున్నారు.