News November 12, 2024
చిత్తూరు: 14 నుంచి ఇంటి వద్దనే క్యాన్సర్ పరీక్షలు
చిత్తూరు జిల్లాలో ఈనెల 14 నుంచి ఇంటి వద్దనే క్యాన్సర్ నిర్ధారణ పరీక్షలు నిర్వహించనున్నట్లు కలెక్టర్ సుమిత్ కుమార్ తెలిపారు. కలెక్టరేట్‌లో కాన్ఫరెన్స్ ద్వారా వైద్యాధికారులతో సమీక్ష నిర్వహించారు. 18 సంవత్సరాలు నిండిన వారందరికీ బీపీ, షుగర్, గుండె, థైరాయిడ్, పెరాలసిస్, క్యాన్సర్ వ్యాధులకు నిర్ధారణ పరీక్షలు నిర్వహించనున్నట్లు చెప్పారు. ముందుగానే వ్యాధులు గుర్తిస్తే చికిత్స చేయడం సులభతరం అవుతుందన్నారు.
Similar News
News November 14, 2024
తిరుపతి వద్ద ఘోర ప్రమాదం.. ఇద్దరు స్పాట్ డెడ్
తిరుపతి రూరల్ (మం) వేదాంతపురం నేషనల్ హైవేపై అర్ధరాత్రి ఘోర రోడ్డు ప్రమాదం జరిగింది. బంధువుల గృహ ప్రవేశం కోసం బెంగళూరు నుంచి కారులో వస్తుండగా వారిని ప్రైవేట్ ట్రావెల్స్ బస్సు ఢీకొంది. ఈ ప్రమాదంలో ఇద్దరు మహిళలు అక్కడికక్కడే మృతి చెందారు. మరో వ్యక్తికి తీవ్ర గాయాలు కావడంతో తిరుపతి రుయాకు తరలించగా, పరిస్థితి విషమంగా ఉన్నట్లు వైద్యులు తెలిపారు. పూర్తి వివరాలు తెలియాల్సి ఉంది.
News November 14, 2024
చిత్తూరు: జీవిత ఖైదు కొట్టివేస్తూ హైకోర్టు తీర్పు
చిత్తూరు మాజీ MLA CK.బాబుపై జరిగిన హత్యాయత్నం కేసులో ప్రధాన నిందితుడు చంద్రశేఖర్ అలియాస్ చింటూకు జిల్లా కోర్టు విధించిన జీవిత ఖైదు శిక్షను కొట్టేస్తూ రాష్ట్ర హైకోర్టు బుధవారం తీర్పునిచ్చింది. 2005 డిసెంబర్ 31న సీకే బాబు ఇంటి వద్ద మందు పాత్ర పేలింది. ఇందులో ఒకరు చనిపోగా, పలువురు గాయపడ్డారు. దీనికి సంబంధించిన కేసులో 2018లో చింటూను దోషిగా తేలుస్తూ జిల్లా కోర్టు జీవిత ఖైదు విధించింది.
News November 14, 2024
తిరుపతి: ఆమె చనిపోయిందని చెప్పింది కుక్కనే..!
ఏర్పేడు మండలం బండారుపల్లిలో కరెంట్ షాక్ తగిలి యశోద మృతిచెందిన విషయం తెలిసిందే. పశువుల గడ్డి కోసం వెళ్లిన ఆమె తిరిగి వస్తుండగా కరెంట్ వైర్లు తగిలి చనిపోయారు. ఆ సమయంలో ఆచుట్టు పక్కల ఎవరూలేరు. ఆమె వెంట వచ్చిన కుక్కనే గట్టిగా కేకలు వేస్తూ అటూఇటూ తిరిగింది. ఇది గమనించిన గ్రామస్థులు కరెంట్ సరఫరా నిలిపివేసి మృతదేహాన్ని గుర్తించారు. గ్రామస్థులు అక్కడికి వచ్చిన తర్వాత ఆ కుక్క యశోద ఒడి వద్ద అలా ఉండిపోయింది.